+7 (701) 759 90 19
10 °С : نۇر-سۇلتان
13 °С : الماتى
USD 447.60 EUR 489.41
RUB 5.71 CNY 63.05
جاڭالىقتار

ماسكەۋدەگى توبەلەس: قازاقستاندىق ستۋدەنتتەردىڭ وكىلدەرى ق ر ەلشىلىگىنە كومەك سۇراپ جۇگىنبەگەن

14 قاڭتار 10:46
:ءبولىسۋ
ماسكەۋدەگى توبەلەس: قازاقستاندىق ستۋدەنتتەردىڭ وكىلدەرى ق ر ەلشىلىگىنە كومەك سۇراپ جۇگىنبەگەن

ماسكەۋ. قازاقپارات - رەسەيلىكتەردى سوققىعا جىقتى دەگەن كۇدىككە ىلىنگەن قازاقستاندىق ەكى ستۋدەنتتىڭ قورعاۋشىلارى مەن تۋىستارى رەسەيدەگى قازاقستان ەلشىلىگىنە كومەك سۇراپ جۇگىنبەگەن.

ونىڭ ءبىرى ەكى رەسەيلىكتى سابادى دەگەن كۇدىكپەن قاماۋعا الىنعان، دەپ حابارلايدى ماسكەۋدەگى قازاقپارات ءتىلشىسى.

رەسەيدەگى قازاقستان ەلشىلىگىنىڭ اقپارات كوزدەرى كەلتىرگەن مالىمەتتەرگە سۇيەنسەك، اسىلبەك حيسامي مەن الىشەر قابىلوۆ ماسكەۋ مەملەكەتتىك حالىقارالىق قاتىناستار ينستيتۋتى (م م ح ق ي) مەملەكەتتىك باسقارۋ جانە حالىقارالىق قاتىناستار فاكۋلتەتىنىڭ 4-كۋرس ستۋدەنتتەرى. ولار وندا اقىلى تۇردە ءبىلىم الادى. ستۋدەنتتەردىڭ تۋىستارى قازىرگى ۋاقىتتا ماسكەۋدە. سونداي-اق، ىسكە قورعاۋشىلار تارتىلعان.

«قازىرگى تاڭعا دەيىن قۇقىقتىق جانە باسقا دا كومەك ءۇشىن ديپلوماتيالىق وكىلدىككە ولاردىڭ زاڭدى وكىلدەرى حابارلاسقان جوق. ەلشىلىك وقيعا بارىسىن قاداعالاپ وتىر» دەلىنگەن حابارلامادا.

م م ح ق ي باسپا ءسوز قىزمەتى «قۇقىق قورعاۋ ورگاندارى جۇمىس ىستەپ جانە تەرگەۋ ءجۇرىپ جاتقاندىقتان» بۇل وقيعاعا قاتىستى كەز كەلگەن مالىمەت بەرۋدەن باس تارتتى.

ماسكەۋ قالاسى نيكۋلين سوتىنىڭ شەشىمىنە ساي، 11-قاڭتار كۇنى ا. حيسامي ر ف ق ك 161-بابىنىڭ 2-بولىگى بويىنشا ەكى ايعا قاماۋعا الىندى. قازىر ول ماسكەۋلىك تەرگەۋ يزولياتورلارىنىڭ بىرىندە قاماۋدا وتىر.

اۆتور: نارىمبەك يسماگۋلوۆ



باستى سوزدەر: وتانداستار,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات