پاۆلوداردا مۇگەدەكتىك توبىن بەرۋدىڭ ەۋروپالىق نۇسقاسىن ەنگىزۋ ۇسىنىلدى
Nur Otan پارتياسى وبلىستىق فيليالىندا وتكەن ازاماتتاردى قابىلداۋ كەزىندە «التىن باتا» قوعامدىق قورىنىڭ قۇرىلتايشىسى ەۆگەنيا ستەلۆاگا حالىق قالاۋلىسىنا سۇراق قويدى.
«قازىر 16 جاستان اسقان «داۋن سيندرومى»، «اۋتيزم»، «شيزوفرەنيا»، «اقىل- وي كەمىستىگى» جانە باسقا دا مەنتالدىق بۇزىلۋشىعى بار مۇمكىندىگى شەكتەۋلى بالالارعا ەكىنشى نەمەسە ءۇشىنشى مۇگەدەكتىك توبى بەرىلەدى، - دەيدى ەۆگەنيا ستەلۆاگا.
- ءبىراق 16 جاستان كەيىن، ءتىپتى، 18 جاستان كەيىن دە بۇل ەرەسەك بالالار قاراۋسىز جۇرە المايدى. ولاردى ۇيدە قالدىرىپ، جۇمىسقا شىعا المايسىڭ. ويتكەنى، بۇل قاۋىپسىز ەمەس. سوندىقتان مۇنداي بالالاردىڭ مۇگەدەكتىك توبى ءبىرىنشى بولۋى كەرەك. مىسالى، ءبىرىنشى توپتاعى مۇگەدەكتىگى بار، ءبىراق جۇرمەيتىن اقىل- ويى ساقتالعان بالانىڭ اناسى جۇمىس تابا الادى نەمەسە ۇيدەن ءۇش ساعاتقا شىعىپ كەلۋ مۇمكىندىگى بار. ال، پسيحياتريالىق دياگنوزى بار بالانىڭ اناسىندا مۇنداي مۇمكىندىك جوق. سوندىقتان زاڭناماعا وزگەرىستەر ەنگىزۋ جانە مۇگەدەكتىك توبىن بەرۋ ستاندارتتارىن قايتا قاراۋ مۇمكىندىگىن قاراستىرۋدى سۇرايمىن».
سونداي-اق، سپيكەر مۇگەدەكتىكتى بەرۋدىڭ ەۋروپالىق نۇسقاسىن قاراستىرۋدى ۇسىندى. ياعني، پسيحيكالىق اۋرۋى بار ەرەسەك مۇگەدەك ۇنەمى باقىلاۋدى قاجەت ەتەدى دەپ سانالادى. اتا-انالار ناۋقاستى كۇتىپ، جۇمىس ىستەۋگە مۇمكىندىگى جوق بولعاندىقتان وتەماقى الادى.
«زەينەتاقى جۇيەسى زاڭناماسىن قايتا قاراۋ قاجەت دەپ ويلايمىن، - دەيدى ەۆگەنيا ستەلۆاگا. - ءقازىر مۇمكىندىگى شەكتەۋلى بالالاردىڭ انالارى بارىمەن بىردەي 63 جاستا زەينەتكە شىعادى. ءبىراق «ەرەكشە» بالالاردىڭ اتا-انالارى قاراپايىم انالاردان از ءومىر سۇرەدى. ەگەر كورشى ەلدەردىڭ تاجىريبەسىنە قارايتىن بولساق، مىسالى، رەسەيدە مۇگەدەك بالالاردى تاربيەلەپ وتىرعان انالار زەينەتكە 50 جاستا شىعادى. مەنىڭ ويىمشا، بۇل ساناتتاعى ادامداردىڭ زەينەت جاسىن ازايتۋ ءادىل بولار ەدى».
وعان قوسا، «التىن باتا» قورىنىڭ اۋتيست بالالار مەن مەن مەنتالدىق اۋىتقۋلارى بار بالالارعا ارنالعان وڭالتۋ ورتالىعىنىڭ ديرەكتورى ماجىلىسمەندەردەن وڭىرلەردە ورنالاسقان ەرەكشە بالالارعا ارنالعان ورتالىقتارعا كوبىرەك كوڭىل ءبولۋدى سۇرادى.