بالالارعا تەگىن بەرىلەتىن ءدارى- دارمەك ءتىزىمى انىقتالدى
«192 ءدارى دارمەك اتاۋى 18 جاسقا دەيىنگى بالالاردى امبۋلاتوريالىق دەڭگەيدە تەگىن ءدارى- دارمەكپەن قامتاماسىز ەتۋ تىزبەسىنە ەنگىزىلدى. ونىڭ 157 اتاۋى ساتىپ الىندى جانە جونەلتۋگە دايىن. بارلىعى مىندەتتى الەۋمەتتىك مەديتسينالىق ساقتاندىرۋ جۇيەسىنە قاتىسۋشى پاتسيەنتتەر 62 اۋرۋ بويىنشا تەگىن قامتاماسىز ەتىلەتىن بولادى»، - دەدى «س ق- فارماتسيا» ج ش س باسقارما ءتوراعاسىنىڭ مىندەتىن اتقارۋشى بەرىك ءشارىپ و ك ق- دە وتكەن باسپا ءسوز ءماسليحاتىندا.
ءشارىپتىڭ ايتۋىنشا، بۇگىندە م ءا م س جۇيەسى اياسىندا تەگىن ءدارى- دارمەك تىزبەسىن كەڭەيتۋ تۋرالى ق ر دەنساۋلىق ساقتاۋ مينيسترلىگىنىڭ بۇيرىعى ق ر ادىلەت مينيسترلىگىندە تىركەلۋدە.
«سونىمەن قاتار پاتسيەنتتەردى ينفەكتسيالىق، پروتوزويدى، پارازيتتىك اۋرۋلار، گەلمينتوزدار، گريبوكتى ينفەكتسيالار، اس قورىتۋ، قان، اعزالاردىڭ اۋرۋلارى جانە يممۋندىق مەحانيزمدى تارتاتىن جەكەلەگەن بۇزىلۋلار، جۇيكە جۇيەسى، كورۋ، ەستۋ جانە تىنىس الۋ اعزالارىنىڭ، تەرى جانە تەرى استى كلەتچاتكاسى، نەسەپ- جىنىس جۇيەسى، سۇيەك- بۇلشىق ەت جۇيەسى جانە دانەكەر تىندەردىڭ اۋرۋلارى بويىنشا قاجەتتى ءدارى- دارمەكتەرمەن قامتاماسىز ەتۋ جوسپارلانۋدا. سونداي- اق جۇرەك- قان تامىرى اۋرۋلارى كەزىندە تەگىن ءدارى- دارمەك بەرۋ قاراستىرىلۋدا»، - دەپ اتاپ ءوتتى ول.
فارماتسيا باسشىسىنىڭ سوزىنە سەنسەك، ءدارى- دارمەكپەن قامتاماسىز ەتۋگە ارنالعان پرەپاراتتار ءتىزىمى م ءا م س جۇيەسى شەڭبەرىندە ءبىرىڭعاي ديستريبۋتسيا جۇيەسى ارقىلى ساتىپ الىناتىن 225 اتاۋعا دەيىن كەڭەيتىلدى. ولاردىڭ 161- ءى ەرەسەك پاتسيەنتتەردى ەمدەۋگە ارنالعان، 192- ءى بالالارعا ارنالعان.
«بۇگىندە پرەپاراتتار ءبىرىڭعاي ديستريبيۋتوردىڭ قويمالارىنا كەلىپ ءتۇستى، وڭىرلەر بويىنشا جونەلتىلۋگە دايىن. ءبىرىڭعاي ديستريبيۋتور تىزىمىندە ەنگىزىلگەن وزگەرىستەر كۇشىنە ەنگەننەن كەيىن تاعى دا 82 پوزيتسيا ساتىپ الىنادى»، - دەيدى ب. ءشارىپ.
www.24.kz