قازاقستاندا جول ەرەجەسىن بۇزعاندارعا قاتىستى ليميت بەلگىلەۋ ۇسىنىلدى
«سالاعا قاتىستى ۇسىنىستاردى ايتقىم كەلەدى، ولاردىڭ ءبىرازى پوليتسيا قىزمەتكەرلەرى تاراپىنان ۇسىنىلعان ەدى. وسى ورايدا بۇل ماسەلە جەكە ادامداردىڭ جول ەرەجەسىن جۇيەلى تۇردە بۇزعانى ءۇشىن جاۋاپكەرشىلىك تاقىرىبىنا ارنالىپ وتىر. ولار جىل ىشىندە ءۇش جانە ودان دا كوپ مارتە ەرەجە بۇزا وتىرىپ، كولىك باسقارادى»، - دەدى ا. لۋكين ەلورداداعى پوليتسيا دەپارتامەنتىنىڭ ۇجىمىمەن كەزدەسۋ بارىسىندا.
دەپۋتات قازىرگى كەزدە وسى تەكتەس ەرەجە بۇزۋشىلىقتار ءۇشىن ءبىر جىلعا جۇرگىزۋشى كۋالىگىنەن ايىرۋ جازاسى قاراستىرىلعانىن اتاپ ءوتتى.
«جول ەرەجەسىن بۇزعانى ءۇشىن بالل ەسەپتەۋ جۇيەسىن ازىرلەپ، ەنگىزۋگە قاتىستى ءتيىستى ۇسىنىس جاسالۋدا. ونىڭ ىشىندە «سەرگەكپەن» تىركەلگەن فاكتىلەردى دە قامتۋ جاعدايى ايتىلۋدا»، - دەدى سەناتور.
بۇل تۇرعىدا ول وسىنداي جۇيەدە جازالاۋ شارالارى ليميتتەن اسىپ كەتكەندە ىسكە اسىرىلاتىنىن اتاپ ءوتتى.
ءسوز سوڭىندا دەپۋتات بۇل ماسەلەلەردى بارلىق مۇددەلى تاراپتارمەن جانە قوعامداستىقپەن ەگجەي- تەگجەيلى تالقىلاۋ كەرەكتىگىن ايتتى.
اۆتور: رۋسلان عابباسوۆ