قازاق- قىرعىز شەكاراسىنداعى جايت: ەلشىلىك قىزمەتكەرى تۇتقىنعا الىنعان جوق

نۇر- سۇلتان. قازاقپارات - قازاقستاننىڭ قىرعىزستانداعى ەلشىلىگى قىزمەتكەرىنىڭ قاتىسۋىمەن بولعان كەلەڭسىز جايتقا بايلانىستى قىزمەتتىك تەكسەرىس ءجۇرىپ جاتىر.

بۇل تۋرالى بۇگىن وتكەن بريفينگتە ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.

«2020 -جىلدىڭ 10- قاڭتارىندا مەملەكەتتىك شەكارانىڭ «اق جول» - «قورداي» باقىلاۋ- وتكىزۋ پۋنكتىندەگى قىرعىزستان جاعىندا قازاقستاننىڭ قىرعىزستانداعى ەلشىلىگىنىڭ اكىمشىلىك- تەحنيكالىق پەرسونالى قىزمەتكەرىنىڭ قاتىسۋىمەن وقيعا ورىن الدى. قازىرگى ۋاقىتتا قىزمەتتىك تەكسەرۋ ءجۇرىپ جاتىر. ونىڭ ناتيجەسىندە ءتيىستى شارا قابىلداناتىن بولادى»، - دەدى ايبەك سمادياروۆ،

ونىڭ ايتۋىنشا، قازاقستان ەلشىلىگى قىزمەتكەرىنىڭ كولىگىندە وتىرعان ايەل ەلىمىزدىڭ سىرتقى ديپلوماتيالىق كورپۋسىنىڭ قىزمەتكەرى ەمەس. ول ديپلوماتيالىق ءنومىرى بار ەلشىلىك قىزمەتكەرى باسقارىپ كەلە جاتقان كولىكتە وتىرعان.

«ەلشىلىككە ونىڭ ەش قاتىسى جوق. قازىر ونىڭ ديپلوماتيالىق كولىكتە نەلىكتەن وتىرعاندىعى انىقتالىپ جاتىر. ناتيجەسىن قوسىمشا جاريا ەتەمىز. ول قىرعىزستان اۋماعىنداعى ءبىر ءىس بويىنشا كۇدىكتى. وعان سول ەلدەن شىعۋعا شەكتەۋ قويىلعان»، - دەدى رەسمي وكىل.

ايبەك سمادياروۆ ەلشىلىك قىزمەتكەرى تۇتقىنعا الىنباعاندىعىن باسا ايتتى.

«ول - بىشكەكتە. كەيبىر ب ا ق حابارلاعانداي، ول تۇتقىنعا الىنعان جوق. تەك كولىگىن شەكارانى كەسىپ ءوتۋ بارىسىندا تەكسەرۋ ءۇشىن توقتاتقان. ايەل دە بىشكەكتە، ءوز ۇيىندە. ول سول جاقتا تۇرادى»، - دەدى ول.

اۆتور: مارلان جيەمباي