گەننادي گولوۆكيننىڭ كەلەسى جەكپە-جەگى وتەتىن كۇن بەلگىلى بولدى

نۇر- سۇلتان. قازاقپارات - IBF جانە IBO نۇسقالارى بويىنشا ورتا سالماقتاعى الەم چەمپيونى گەننادي گولوۆكيننىڭ (40-1-1، 35 ك و) كەلەسى جەكپە-جەگى وتەتىن كۇن بەلگىلى بولدى، دەپ حابارلايدى قازاقپارات Sports.kz-كە سىلتەمە جاساپ.

ينسايدەرلەر مايك كوپپيندجەر (The Athletic) مەن دەن رافاەلدىڭ (ESPN) اقپاراتى بويىنشا گەنناديدىڭ كەلەسى جەكپە-جەگى 28-ناۋرىزدا بولادى. قارسىلاسى - پولشالىق كاميل شەرەمەتا (21-0، 5 ك و). بوكس كەشى چيكاگوداعى پولشا دياسپوراسى كوبىرەك شوعىرلانعان Wintrust Arena-دا وتەدى.

كاميل شەرەمەتا Sports.kz-كە بەرگەن سۇحباتىندا ەكىجاقتى كەلىسسوز اياقتالعانىن جانە جاقىن كۇندەرى جەكپە- جەك تۋرالى اقپارات رەسمي تۇردە جاريالاناتىنىن مالىمدەگەن.

بۇل - گولوۆكيننىڭ DAZN ستريمينگ سەرۆيسىمەن جاساسقان كەلىسىمشارت اياسىندا بولاتىن ءۇشىنشى جۇدىرىقتاسۋى جانە وسى جەكپە-جەكتە ول 5-قازان كۇنى سەرگەي دەرەۆيانچەنكودان (13-2، 10 ك و) جەڭىپ العان IBF جانە IBO تيتۋلدارىن ءبىرىنشى رەت قورعايدى.