قازاقستاندىق سپورتشى الەمنىڭ ۇزدىك تەننيسشىلەرىنىڭ قاتارىنا كىردى
رەيتينگتە 36-ورىننان 30-ورىنعا كوتەرىلگەن ە. رىباكينا قازاقستاننىڭ ءبىرىنشى راكەتكاسى اتاندى.
بۇل - 20 جاستاعى ە. رىباكينانىڭ ءوز سپورتتىق جولىنداعى ەڭ ۇزدىك كورسەتكىشى.
ە. رىباكينا ەندى حوبارت (اۋستراليا، جۇلدە قورى 275 مىڭ ا ق ش دوللارى) تۋرنيرىندە وينايدى. ونىڭ قارسىلاسى - الەمنىڭ 69-راكەتكاسى، سلوۆەنيالىق تامارا زيدانشەك.
قازاقستاننىڭ بۇرىنعى ءبىرىنشى راكەتكاسى يۋليا پۋتينسەۆا رەيتينگتە 32-ورىننان 37-گە سىرعىدى. ول ادەلايدا (اۋستراليا، جۇلدە قورى - 848 مىڭ ا ق ش دوللارى) تۋرنيرىنىڭ ىرىكتەۋ سايىستارىنان ءساتتى وتكەنىمەن، بۇگىن العاشقى اينالىمدا الەمنىڭ 52-راكەتكاسى، اۋستراليالىق ايلا تومليانوۆيچتەن 6:7 (4:7)، 2:6 ەسەبىمەن جەڭىلىپ قالدى.
تاعى ءبىر قازاقستاندىق زارينا دياس رەيتينگتە 75-دەن 73-ساتىعا كوتەرىلدى.
ەسكە سالا كەتەيىك، بۇدان بۇرىن ا. بۋبليكتىڭ اۋسترالياداعى تۋرنيردى ءساتتى باستاعانىن جازعان بولاتىنبىز.