الداعى قىسقى وليمپيادا ويىندارىن وتكىزۋگە ءۇش قالا ۇسىنىس جاسادى
ح و ك الداعى قىسقى وليمپيادا ويىندارىن وتكىزۋ جونىندەگى كوميسسيا ءتوراعاسى وكتاۆيان موراريۋ وسى ءۇش قالانىڭ 2030, 2034 جانە 2038 -جىلدارى وليمپيادا ويىندارىنا قاتىسۋعا قىزىعۋشىلىق تانىتىپ وتىرعانىن ءمالىم ەتتى. رۋمىنيالىق ح و ك مۇشەسى ءۇش جوبانىڭ «ءتۇرلى دامۋ دەڭگەيىندە» ەكەنىن ايتتى.
1972 -جىلى قىسقى وليمپيادا ويىندارىن وتكىزگەن ساپپورو 2030 -جىلى كوشباسشى بولىپ وتىر جانە ءۇش ۇمىتكەردىڭ اراسىندا وتكىزۋ مۇمكىندىگى جوعارى قالا. قالا ءمەرى كاتسۋحيرو اكيموتو ح و ك پرەزيدەنتى توماس باكپەن كەزدەسۋى ءتيىس، ال جاپونيا وليمپيادا كوميتەتى وسى ايدىڭ سوڭىندا ساپپورونىڭ ح و ك- پەن ديالوگ ورناتۋ تۋرالى رەسمي شەشىم قابىلداۋى كەرەك.
استاناسى ساپپورو سانالاتىن حوككايدو مۋنيتسيپاليتەتى جاپونيا وليمپيادا كوميتەتىنىڭ اتىنان قىزىعۋشىلىق تانىتقان جالعىز ءوڭىر بولىپ وتىر.
ساپپورو 2018 -جىلدىڭ قىركۇيەگىندە حوككايدو اۋدانىندا ماگنيتۋداسى 6,7 باللدىق جەر سىلكىنىسىنەن كەيىن 2026 -جىلعى قىسقى وليمپيادا مەن پاراليمپيادا ويىندارىنا قاتىسۋدان باس تارتتى.
سولت- لەيك- سيتيدە دە، پيرەنەيا- بارسەلونادا دا تەحنيكالىق- ەكونوميكالىق تەكسەرۋ جۇرگىزىلدى، دەپ حابارلادى موراريۋ.
ا ق ش وليمپيادا جانە پاراليمپيادا كوميتەتى سولت- لەيك- سيتي قالاسىن قىسقى وليمپيادا ويىندارىنا بولاشاق ۇمىتكەر رەتىندە سەرىكتەس دەپ تاڭدادى، الايدا قاي شىعارىلىمعا ۇمىتكەر بولاتىنىن انىقتامادى.
2002 -جىلى قىسقى وليمپيادا ويىندارى وتكەن سولت- لەيك- سيتيدە بۇرىنعى الاڭدار تولىقتاي پايدالانىلادى. پيرەنەيا- بارسەلونا يسپانيا سىرتىنداعى نىسانداردى قولدانادى. سەبەبى، قالادا شاڭعى تەبۋگە ارنالعان ورىندار جوق. بۇل ماسەلەنى شەشۋگە يسپانيا وليمپيادا كوميتەتى كومەكتەسەدى.
سەگىز ادامنان قۇرالعان موراريۋ كوميسسياسىنا قىسقى وليمپيادا ويىندارىن وتكىزەتىن ورىنداردى انىقتاۋ تاپسىرىلعان.