جۇمىس ورنىنىڭ الىس بولعانى دەنساۋلىققا كەرى اسەر ەتەدى - زەرتتەۋ

None
None
نۇر-سۇلتان. قازاقپارات - شۆەد عالىمدارى جۇمىس ورنى الىستا ورنالاسقان ادامداردىڭ دەنساۋلىعى ۇيىنە جاقىن ماڭدا جۇمىس ىستەيتىندەرگە قاراعاندا تومەن بولاتىنىن انىقتادى، دەپ جازادى قازاقپارات The Times of İndia باسىلىمىنا سىلتەمە جاساپ.

«زەرتتەۋ ناتيجەسىندە اپتاسىنا 40 ساعات جۇمىس ىستەيتىن ادامدار كۇن سايىن جۇمىس ورنىنا بارۋ ءۇشىن جارتى ساعاتتان كوپ ۋاقىت جۇمسايتىن بولسا، بۇل ونىڭ دەنساۋلىعىنىڭ ناشارلاۋ قاۋپىن 25 پايىزعا ارتتىراتىنى بەلگىلى بولدى. سونىمەن قاتار بۇل جاعدايدا ادامنىڭ ۇيقىسىنىڭ بۇزىلۋ قاۋپى 16 پايىزعا وسەدى»، دەپ جازادى باسىلىم.

اۆتوردىڭ ايتۋىنشا، جۇمىس الدىندا جانە جۇمىستان كەيىن كۇيزەلىستەن ارىلىپ، دەمالۋعا مۇمكىندىك بولمايتىندىقتان، بۇل دەنساۋلىققا كەرى اسەر ەتەدى.

اتالعان زەرتتەۋدى ستوكگولم ۋنيۆەرسيتەتىنىڭ عالىمدارى جۇرگىزگەن. زەرتتەۋگە 22 مىڭ ادام قاتىسقان.

«جۇمىس كۇنىنەن كەيىن ادامدار ۇيىنە ۇزاق جول ءجۇرۋ ءۇشىن شارشاڭقى بولادى، فيزيكالىق بەلسەندىلىگى بولمايدى. بۇل دەنساۋلىققا كەرى اسەر ەتەدى»، دەپ جازادى باسىلىم.

اۆتور: ايكۇمىس بولاتبەك

سوڭعى جاڭالىقتار