قىتايدا پنيەۆمونيادان ادامنىڭ قايتىس بولۋ جاعدايى تىركەلدى
«2020 -جىلدىڭ 10-قاڭتارىنداعى جاعداي بويىنشا كوروناۆيرۋستىڭ جاڭا ءتۇرى 41 ادامنان تابىلدى. ولاردىڭ جەتەۋى اۋىر حالدە جاتسا، بىرەۋى قازا تاپتى. ەكەۋى اۋرۋحانادان ەمدەلىپ شىقتى»، - دەلىنگەن ۋحان قالالىق دەنساۋلىق ساقتاۋ ورگانىنىڭ حابارلاماسىندا.
جەرگىلىكتى ب ا ق-تىڭ مالىمەتىنشە، كوروناۆيرۋستىڭ جاڭا تۇرىنەن كوز جۇمعان ادام 61 جاستاعى ۋحان قالاسىنىڭ تۇرعىنى. ول قالاداعى بازارلاردان ۇنەمى تەڭىز ونىمدەرىن ساتىپ الىپ جۇرگەن.
قازىرگى ۋاقىتتا 739 ادام دارىگەرلەردىڭ باقىلاۋىندا، سولاردىڭ ىشىندە 419 مەديتسينا قىزمەتكەرى بار. 2020 -جىلدىڭ 3-قاڭتارىنان باستاپ كوروناۆيرۋستىڭ جاڭا تۇرىنە شالدىققاندار تىركەلگەن جوق.
ەسكە سالايىق، قىتاي بيلىگى 31-جەلتوقساندا ۋحان قالاسىندا پنيەۆمونيانىڭ بەيمالىم تۇرىنە كەم دەگەندە 27 ادامنىڭ شالدىققانىن، سونىڭ ىشىندە جەتەۋى اۋىر حالدە حاتقانىن حابارلاعان بولاتىن. اۋرۋ جۇقتىرعانداردىڭ باسىم بولىگى قالاداعى تەڭىز ونىمدەرى ساتىلاتىن بازارعا بارعان: قازىرگى ۋاقىتتا بازار جابىلدى. 9-قاڭتاردا زەرتحانالىق زەرتتەۋلەر كورسەتكەندەي، بۇل اۋرۋدىڭ ورشۋىنە جاڭا تيپتەگى كوروناۆيرۋس ىقپال ەتكەن.
وسىعان دەيىن قىتايدا بەلگىسىز پنيەۆمونياعا شالدىققاندار سانى 59 ادامعا جەتكەندىگى حابارلاندى.
رۋسلان سۇلەيمەنوۆ