كورەيالىق ينۆەستورلار ەلىمىزدە نيكەل وندىرەتىن زاۋىت سالۋعا نيەتتى

نۇر-سۇلتان. قازاقپارات - وڭتۇستىك كورەيالىق ينۆەستورلار قازاقستاندا نيكەل وندىرەتىن زاۋىت سالۋعا نيەتتى. كاسىپورىن كەننەن تەك نيكەل عانا ەمەس، باسقا مەتالداردى دا ءبولىپ الۋدى مەڭگەرگەن.

 ال زاۋىت جابدىقتارى وزگە نۇسقالارىنا قاراعاندا الدەقايدا ارزان. نيكەل زاۋىتى كۆانيان ەركىن ەكونوميكالىق ايماعىندا ورنالاسقان. قازىر بۇل ءوندىرىس يندونەزيامەن دە كەلىسىمشارت جاساستى. وندا نيكەل كەنىن وڭدەيتىن زاۋىت سالىنادى. يندونەزيا كەنىندە نيكەل ءبىر جارىم پروتسەنتتى قۇرايدى. جاڭا تەحنولوگيالاردىڭ ارقاسىندا بۇل زاۋىتتا نيكەلدەن باسقا كرەمنيي، ماگنيي جانە تەمىر وندەۋگە بولادى.

پاك مين گيۋ، ءوندىرۋشى كومپانياسىنىڭ پرەزيدەنتى:

 - تەحنولوگيامىز كەندەگى نيكەلدىڭ بارلىعىن دەرلىك الىپ تاستاۋعا مۇمكىندىك بەرەدى. قالدىقتاردان پايدالى رەسۋرستار الىنادى جانە مۇنداي ءوندىرىس قازاقستان ەكونوميكاسىنا ۇلكەن كومەك. تەحنولوگيا تارتىلاتىن ينۆەستيتسيا باسقالارعا قاراعاندا جيىرما پايىزعا از. ال تابىسى جيىرما ەسە كوپ.

رەاكتورلار پوليمەرلى ماتەريالدان جاسالعان. بۇل ءوندىرىس شىعىندارىن ازايتادى.

ۆيكتور كيم، ءوندىرۋشى كومپانياسىنىڭ عىلىمي ءبولىمىنىڭ باسشىسى:

 - ءبىز قازىر پوليمەرلى ماتەريالداردىڭ جاڭا ءتۇرىن قولدانامىز، ولاردان رەاكتورلاردىڭ بارلىق ءتۇرى جاسالادى جانە ءبىزدىڭ زەرتتەۋلەر كورسەتكەندەي، ولار ۇلكەن جۇكتەمەلەرگە شىداس بەرەدى.

 قازاقستاندا نيكەل اقتوبە، قوستاناي، قاراعاندى جانە شىعىس قازاقستان وبلىستارىندا وندىرىلەدى. ەندى وندىرىسكە جاڭا تەحنولوگيالار ەنگىزىلسە ۇلكەن تابىس اكەلەرى ءسوزسىز.

  باقىت دۇيسەنبايەۆ، ق ر كورەيا رەسپۋبليكاسىنداعى ەلشىسى:

 - وسى تەحنولوگيانىڭ يەسى بولىپ تابىلاتىن كومپانيانىڭ قازاقستانعا ساپارى جوسپارلانۋدا، وندا بۇل تەحنولوگيانى قازاقستاندا قولدانۋ مۇمكىندىگى تۋرالى قازاقستاندىق مەملەكەتتىك ورگاندارمەن كەلىسسوزدەر وتەدى.

نيكەل الەمدىك نارىقتا ۇلكەن سۇرانىسقا يە. ول توت باسپايتىن بولات، سونداي- اق ەلەكتروموبيلدەرگە ارنالعان باتارەيالار ءوندىرىسى ءۇشىن قولدانىلادى. قازىرگى ۋاقىتتا لوندون مەتالل بيرجاسىندا ءبىر توننا نيكەلدىڭ باعاسى شامامەن ون ءتورت مىڭ دوللار.

www.24.kz