رەسەيدىڭ ەڭ تانىمال دراما تەاترلارىنىڭ ءبىرى ەلوردادا ونەر كورسەتپەك

None
None
نۇر- سۇلتان. قازاقپارات - ەۆگەني ۆاحتانگوۆ اتىنداعى تەاتر «اۋقىمدى گاسترولدەر» باعدارلاماسى اياسىندا نۇر-سۇلتان قالاسىنا گاسترولمەن كەلدى، دەپ حابارلايدى قازاقپارات ءتىلشىسى.

رەسەيدىڭ ەڭ تانىمال دراما تەاترلارىنىڭ ءبىرىنىڭ ارتىستەرى ەلوردا تۇرعىندارى مەن قوناقتارىنا ا. س. پۋشكيننىڭ «ەۆگەني ونەگين» رومانىنان كورىنىستەر مەن ا. پ. چەحوۆتىڭ «دياديا ۆانيا» سپەكتالىن ۇسىنباق.

سپەكتاكلدەر «استانا وپەرا» مەملەكەتتىك وپەرا جانە بالەت تەاترىندا ساحنالانباق.

«ءبىز 2 جىل بويى ق ر مادەنيەت جانە سپورت مينيسترلىگىمەن كەلىسسوزدەر جۇرگىزدىك. ق ر مادەنيەت جانە سپورت ءمينيسترى ماسكەۋگە كەلىپ، «ەۆگەني ونەگين» سپەكتاكلىن كورگەننەن كەيىن ءىسىمىز العا جىلجىدى. 9 -قاڭتاردا وسى كەرەمەت تەاتردا ءبىرىنشى سپەكتاكلىمىزدى قويدىق. كەلەسى جىلى بىزگە 100 جىل تولادى. وسى جىلعى گاسترولدەرىمىزدىڭ ءبارى ءبىزدىڭ تەاتردىڭ 100 جىلدىق مەرەيتويىنا ارنالادى. بىزگە وسى مەملەكەتكە كەلگەن ۇنايدى جانە كەلەسى جىلى دا قۋانا كەلەمىز. ءبىزدىڭ جۇمىس - سپەكتاكل كورسەتىپ، گاسترولگە شىعۋ»، - دەيدى ەۆگەني ۆاحتانگوۆ اتىنداعى مەملەكەتتىك اكادەميالىق تەاتردىڭ ديرەكتورى كيريلل كروك ەلوردادا وتكەن باسپا ءسوز كونفەرەنتسياسىندا.

رەسەيدىڭ ەڭ تانىمال دراما تەاترلارىنىڭ ءبىرىنىڭ ارتىستەرى ەلوردا تۇرعىندارى مەن قوناقتارىنا 8-9-قاڭتاردا ا. س. پۋشكيننىڭ «ەۆگەني ونەگين» رومانىنان كورىنىستەر كورسەتسە، 10-11 -قاڭتار كۇندەرى ا. پ. چەحوۆتىڭ «دياديا ۆانيا» سپەكتالىن ۇسىنباق.

سپەكتاكلدەر «استانا وپەرا» مەملەكەتتىك وپەرا جانە بالەت تەاترىندا ساحنالانباق.

بۇل رەتتە تۋريستىك قىزمەتتى قولداۋ بويىنشا فەدەرالدى ورتالىقتىڭ باس ديرەكتورىنىڭ ورىنباسارى ۆلاديمير چەركاسوۆ اتالعان ورتالىقتىڭ 2016 -جىلدان بەرى قازاقستاندىق تەاترلارمەن ىنتىماقتاسىپ كەلە جاتقاندىعىن اتاپ ءوتتى.

«اۋقىمدى گاسترولدەر» باعدارلاماسىن فەدەرالدى ورتالىق جۇزەگە اسىرادى.

«ءبىز شەتەلدىك باعدارلامانى 2015 -جىلدان بەرى جۇزەگە اسىرا باستادىق. ىسكە اسىرىلعان ساتتەن باستاپ قازاقستان ءبىزدىڭ بەلسەندى سەرىكتەسىمىز بولدى. باعدارلاما جاقىن شەتەلدەردەگى ورىس ءتىلدى تەاترلاردى قولداۋعا باعىتتالعان. قازاقستانمەن ىنتىماقتاستىق تۋرالى ايتار بولساق، ءبىزدىڭ قازاقستانداعى العاشقى سەرىكتەسىمىز الماتىداعى م. لەرمونتوۆ اتىنداعى ورىس دراما تەاترى بولدى. وتكەن جىلدان باستاپ نۇر-سۇلتان قالاسى دا باعدارلاماعا ەنگەنى قۋانتادى»، - دەدى ۆلاديمير چەركاسوۆ.

اۆتور: زارينا قاھارمان

سوڭعى جاڭالىقتار