+7 (701) 759 90 19
0 °С : نۇر-سۇلتان
8 °С : الماتى
USD 447.60 EUR 489.41
RUB 5.71 CNY 63.05
جاڭالىقتار

مەديتسينانىڭ اتاسى اتانعان گيپپوكرات انتىنىڭ ءماتىنى

10 قاڭتار 09:11
:ءبولىسۋ
مەديتسينانىڭ اتاسى اتانعان گيپپوكرات انتىنىڭ ءماتىنى

نۇر-سۇلتان. قازاقپارات - «اپوللون دارىگەردىڭ، اسكلەپيدىڭ، گيگيا مەن پاناتسەيانىڭ جانە ءتۇرلى تاڭىرلەر مەن ءتاڭىريالاردىڭ اتىن اتاپ، ولاردى كۋاعا تارتا وتىرىپ، مىنا سەرت پەن جازباشا شارتتى شاما-شارقىمنىڭ جەتكەنىنشە ادال ورىنداۋعا انت ەتەمىن:

وزىمە دارىگەرلىك ونەرىن ۇيرەتكەن كىسىنى اتا-اناممەن بىردەي كورەمىن، وعان بارىمدى ءبولىپ بەرەمىن، ءارى قاجەت جاعدايدا ونىڭ جوعىن تابۋعا كومەكتەسەمىن؛ ونىڭ ۇرپاقتارىن باۋىرلارىم دەپ ەسەپتەيمىن، ەگەر ولار وسى ونەردى ۇيرەنگىسى كەلسە، ولارعا تەگىن ءارى ەشقانداي شارت جاساسپاي-اق ساباق بەرەمىن؛ وقۋ ۇستىندە ايتار اقىلىمدى اۋىزشا ساباقتار مەن ىلىمدەگى قالعان جايلاردىڭ ءبارىن ءوز بالالارىما، ۇستازىمنىڭ بالالارى مەن مەديتسينا زاڭى بويىنشا سەرتتەسكەن، انت بەرىسكەن شاكىرتتەرىمە حابارلايمىن، باسقا جانعا ايتپايمىن.

اۋرۋلار رەجيمىن، زيان كەلتىرۋ مەن قياناتتان بويىمدى اۋلاق ۇستاي وتىرىپ، شاما-شارقىمنىڭ بارىنشا ولارعا پايداسى تيەتىندەي ەتىپ جاسايمىن. ەشكىمگە كىسىنى ولىمگە ۇشىراتاتىن ءدارى بەرمەيمىن، ءارى ونى جاساۋ ءتاسىلىن كورسەتپەيمىن؛ تاپ وسىلاي ايەلگە تۇسىك تۇسىرەتىن پەسساري ۇسىنبايمىن. ومىردە دە، ونەردە دە تازا ءارى ادال بولامىن.

تاس اۋرۋىمەن سىرقاتتانعانداردىڭ دەنەسىن ەشقاشان كەسپەيمىن، مۇنى وسى ىسپەن اينالىساتىن كىسىلەرگە تاپسىرامىن. قايسى ۇيگە كىرسەم دە اۋرۋدىڭ قامىن ويلايمىن، ادەيى قيانات پەن قاستاندىق جاساۋدان، اسىرەسە ايەلدەر مەن ەركەكتەر، ازات ادامدار مەن قۇلدار اراسىنداعى ماحابباتتان اۋلاقپىن. ەمدەۋ كەزىندە، سونداي-اق ەمدەمەگەن كەزدە دە، ادام ءومىرىنىڭ ىشىندەگى مۇلدەم جاريالاۋعا بولمايتىن جايلاردى كورگەنىمدى نەمەسە ەسىتكەنىمدى قۇپيا ەسەپتەپ، جان بالاسىنا ايتپايمىن.

انتتى بۇلجىتپاي ورىنداعانىم ءۇشىن ومىردە دە، ونەردە دە باقىتتى بولىپ، ەل اراسىندا ماڭگىلىك داڭققا بولەنگەيمىن؛ جالعان انت بەرىپ، قىلمىس جاساعانداردى انت اتسىن».



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات