+7 (701) 759 90 19
-3 °С : نۇر-سۇلتان
0 °С : الماتى
USD 379.75 EUR 415.18
RUB 5.78 CNY 54.19
جاڭالىقتار

ادىسكەر: ەكونوميكالىق ىلگەرىلەۋىمىزدىڭ نەگىزى - ءبىلىم مەن عىلىم

10 قاڭتار 07:51
:ءبولىسۋ
ادىسكەر: ەكونوميكالىق ىلگەرىلەۋىمىزدىڭ نەگىزى - ءبىلىم مەن عىلىم

كوكشەتاۋ. قازاقپارات - اقمولا وبلىستىق وقۋ-ادىستەمەلىك ورتالىعىنىڭ ادىسكەرى اسەمگۇل قارسابايەۆا پىكىر ءبىلدىردى، دەپ حابارلايدى قازاقپارات ءتىلشىسى.

«اباي جانە XXI عاسىرداعى قازاقستان» ماقالاسىندا ەلدى مازالاپ جۇرگەن ماسەلەلەر مەن شەشۋ جولدارىن اتاپ ءوتتى. سونىڭ ىشىندە انا ءتىلىمىزدىڭ دامۋى مەن دارىپتەلۋىنە جانە وتاندىق ءبىلىم سالاسىن جەتىلدىرۋگە ەرەكشە كوڭىل بولىنگەنى ەرەكشە قۋانتادى.

دانا حالقىمىز «بىلەكتى ءبىردى جىعادى، ءبىلىمدى مىڭدى جىعادى» دەگەن. سوندىقتان دا مادەني، عىلىمي- تەحنولوگيالىق، ەكونوميكالىق ىلگەرىلەۋىمىزدىڭ نەگىزى - ءبىلىم مەن عىلىم بولىپ قالا بەرەتىنى بەلگىلى. وسى ورايدا پرەزيدەنتىمىزدىڭ «پەداگوگ مارتەبەسى تۋرالى» زاڭدى قابىلداۋىن اتاپ وتپەسكە بولمايدى. سەبەبى بولاشاق ۇرپاققا ساپالى ءبىلىم مەن سانالى تاربيە بەرۋ ىسىندەگى مۇعالىمدەردىڭ قوسار ۇلەسى شەكسىز»، - دەيدى ءا. قارسابايەۆا.

ونىڭ ايتۋىنشا، ابايدىڭ «قارا سوزدەرى» جاستاردىڭ عىلىم مەن بىلىمگە دەگەن قۇلشىنىسىن ارتتىرا تۇسپەك.

«مەملەكەت باسشىسى ءوز ماقالاسىندا «اباي شىعارمالارىنا زەر سالساق، ونىڭ ۇنەمى ەلدىڭ العا جىلجۋىنا، ءوسىپ-وركەندەۋىنە شىن نيەتىمەن تىلەۋلەس بولعانىن، وسى يدەيانى بارىنشا دارىپتەگەنىن بايقاۋعا بولادى» دەپ ۇلتىمىزدىڭ جاڭعىرتۋ ىسىندە اباي مۇراسىن باسشىلىققا الىپ، ۇتىمدى پايدالانۋىمىز كەرەكتىگىن اتاپ وتەدى. جالپى، ابايدىڭ «قارا ءسوزى» عۇلامانىڭ 175 جىلدىق مەرەيتويىن مەرەكەلەۋ اياسىندا وتكىزىلەتىن ءىس-شارالاردا حالىققا كەڭىنەن ناسيحاتتالىپ، جاستاردىڭ عىلىم مەن بىلىمگە، ىزدەنۋشىلىككە قىزىعۋشىلىعىن ارتتىراتىنىنا سەنىمدىمىن»، - دەپ تۇيىندەدى ءا. قارسابايەۆا.

ايتا كەتەيىك، «Egemen Qazaqstan» گازەتىنىڭ بۇگىنگى سانىندا مەملەكەت باسشىسى قاسىم-جومارت توقايەۆتىڭ «اباي جانە XXI عاسىرداعى قازاقستان» اتتى ماقالاسى جارىق كورگەن بولاتىن.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات