قازاقستاندا شەتەلدىكتەردى تىركەۋ تارتىبىنە وزگەرىس ەنگىزىلدى

نۇر-سۇلتان. قازاقپارات - قازاقستان رەسپۋبليكاسىندا شەتەلدىكتەردى تىركەۋ تارتىبىنە وزگەرىس ەنگىزىلدى، دەپ حابارلايدى قازاقپارات.

2020 -جىلعى 11-قاڭتاردان باستاپ شەتەلدىك ازاماتتار ىشكى ىستەر ورگاندارىندا 30 كۇنگە دەيىن تىركەۋدەن بوساتىلادى. بۇل رەتتە، قازاقستان رەسپۋبليكاسىندا ۋاقىتشا بولۋ مەرزىمى مەملەكەتتىك شەكارادان وتكەن كۇننەن باستاپ كۇنتىزبەلىك 30 كۇننەن اسپاۋى كەرەك. شەتەل ازاماتى قازاقستاندا 30 كۇننەن ارتىق تۇرسا، قابىلداۋشى تاراپ قوناققا ۋاقىتشا تۇرۋعا رۇقسات رەسىمدەۋگە مىندەتتى.

قابىلداۋشى تاراپ 3 جۇمىس كۇنى ىشىندە شەتەلدىكتەردىڭ كەلگەنى تۋرالى كوشى-قون قىزمەتىنە حابارلاۋعا (حابارلاما) مىندەتتى.

حابارلاما ءراسىمى www.vmp.gov.kz. ۆيزا جانە ميگراتسيالىق پورتالى ارقىلى وتكىزۋگە بولادى.

حابارلاما بولماعان جاعدايدا، قابىلداۋشى تاراپ ق ر ا ق ب ت ك-نىڭ 518-بابى بويىنشا اكىمشىلىك جاۋاپكەرشىلىككە تارتىلادى (ىشكى ىستەر ورگاندارىنا شەتەلدىكتەر تۋرالى ۋاقتىلى حابارلاۋ بويىنشا شارالار قابىلداماۋ).

ايتا كەتكەن ءجون، بۇدان بۇرىن ق ر پرەزيدەنتى قاسىم-جومارت توقايەۆ الماتى قالاسىن دامىتۋعا بايلانىستى وتكەن كەڭەستە شەتەلدىكتەردى مىندەتتى تىركەۋ سياقتى اناحرونيزمنەن قۇتىلۋ كەرەكتىگىن باسا ايتقان ەدى.