07:07, 09 - قاڭتار 2020 | GMT +6
مەملەكەت باسشىسى تەگەران ماڭىندا جولاۋشىلار ۇشاعىنىڭ اپاتقا ۇشىراۋىنا بايلانىستى كوڭىل ايتتى
نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ تەگەران قالاسى اۋەجايىنىڭ ماڭىندا «ۋكراينا حالىقارالىق اۋەجولى» كومپانياسى ۇشاعىنىڭ اپاتقا ۇشىراۋى سالدارىنان ازاماتتارى قازا بولعان ءبىرقاتار مەملەكەت باسشىلارىنا كوڭىل ايتۋ جەدەلحاتتارىن جولدادى، دەپ حابارلايدى قازاقپارات اقورداعا سىلتەمە جاساپ.
بيىلعى 8- قاڭتاردا «ۋكراينا حالىقارالىق اۋەجولى» كومپانياسىنىڭ اۋە كەمەسى تەگەران قالاسى اۋەجايىنىڭ ماڭىندا اپاتقا ۇشىرادى. ۇشاق بورتىندا شامامەن 180 جولاۋشى بولعان.