تورعاي دالاسىنا جىبەرىلگەن قۇلاندى براكونەرلەر اتىپ كەتتى
بۇل تۋرالى قازاقستاندىق بيوالۋاندىلىقتى ساقتاۋ قاۋىمداستىعى Facebook پاراقشاسىندا جازدى، دەپ حابارلايدى قازاقپارات.
جانۋاردىڭ بولىكتەرىن قازاقستاندىق بيوالۋاندىلىقتى ساقتاۋ قاۋىمداستىعىنىڭ وكىلدەرى تاپتى. ولار قۇلاننىڭ موينىنا تاعىلعان GPS حابار بەرەتىن قۇرىلعىنىڭ ەشقانداي بەلگى بەرمەگەنىنەن كۇدىكتەنگەن. وسىعان بايلانىستى ولار قۇرىلعىنى ىزدەمەك بولىپ، 26 - جەلتوقسان كۇنى ساپارعا شىققان.
جانۋار ولتىرىلگەن جەردى قاراعاندا، وندا قۇلاننىڭ باسى مەن وتە ۇقىپتىلىقپەن كەسىلگەن GPS قۇرىلعىسىنىڭ باۋى تابىلعان. سول جەردەن كولىك ءىزى دە تابىلدى. قۇلاننىڭ بۇل انالىعىن سوڭعى رەت 14 جەلتوقسان كۇنى كورگەن.
قۇلاننىڭ ولتىرىلگەنى تۋرالى حابار قوستاناي وبلىسى ارقالىق قالالىق پروليتسيا باسقارماسىنا جىبەرىلدى. قازىرگى تاڭدا وسى جاعداي بويىنشا، «قىزىل كىتاپتاعى جانۋارعا» براكونەرلىك جاسادى دەگەن باپپەن قىلمىستىق ءىس قوزعالىپ، تەرگەۋ باستالدى.
وسى جانە تاعى 8 قۇلان 2018 -جىلى ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار الەمى كوميتەتىمەن، سونداي- اق ورتالىق قازاقستاندا قۇلانداردىڭ پوپۋلياتسياسىن قالپىنا كەلتىرۋ جونىندەگى شەتەلدىك ارىپتەستەرمەن بىرلەسكەن باعدارلاما اياسىندا دالاعا جىبەرىلگەن بولاتىن.
اۆتور ايدار وسپاناليەۆ