پاۆلودارلىق مەكتەپ وقۋشىلارىنىڭ جوباسى رەسەيدە ۇزدىك دەپ تانىلدى

نۇر-سۇلتان. قازاقپارات - پاۆلودارلىق وقۋشىلار «سپورت. شىعارماشىلىق. ينتەللەكەت» اتتى اشىق حالىقارالىق تەحنولوگيالىق فەستيۆالگە قاتىستى، دەپ حابارلايدى قازاقپارات ق ر رەسەيدەگى ەلشىلىگىنىڭ باسپا ءسوز قىزمەتىنە سىلتەمە جاساپ.

اتالمىش شارا نوۆوسيبيرسك مەملەكەتتىك ۋنيۆەرسيتەتىندە ءوتتى. شىعارماشىلىق بايقاۋعا رەسەي مەن قازاقستاننىڭ مەكتەپ وقۋشىلارى، ستۋدەنتتەر مەن بالاباقشا بۇلدىرشىندەرىنەن تۇراتىن بارلىعى 360 كوماندا قاتىستى.

بالالار وندا «اۆتوموبيل دوڭعالاقتارىن جاساۋ» باعىتى بويىنشا ءوز ەڭبەكتەرىن ۇسىندى. وندا روبوتتاردىڭ كومەگىمەن ەسكى-قۇسقى قالدىقتاردان مەتال ديسكىلەر جاسالدى جانە وعان ارنايى رازىڭكە شينالار كيگىزىلدى. اۆتوماتتاندىرىلعان روبوتتار وندىرىستىك روبوتتاردىڭ كومەگىمەن ىسكە قوسىلادى. ءوز كەزەگىندە سوڭعىسى قۋاتتى ەلەكتر ەنەرگياسى مەن كۇن جانە جەلدەن وندىرەدى.

فەستيۆالدىڭ تالابى بويىنشا، ءار كاتەگورياعا ءبىر ورىن تاعايىندالعان. پاۆلودارلىق كوماندانىڭ جۇمىسى «ۇزدىك جوبا» اتالىمى بويىنشا ەڭ مىقتى دەپ تابىلدى. كوماندا وكىلدەرى نوۆوسيبيرسك قالاسى مەرياسىنىڭ ديپلومدارى مەن كەلەسى جىلى بولاتىن بايقاۋعا شاقىرتۋ الدى. ال جەڭىمپازداردىڭ ۇستازدارىنا العىس حات تابىس ەتىلدى.