+7 (701) 759 90 19
-7 °С : نۇر-سۇلتان
-6 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

ەلىمىزدەگى كوكسەركەنىڭ سۇبەسى سىرتقا ەكسپورتتالىپ جاتىر

6 قاڭتار 20:46
:ءبولىسۋ
ەلىمىزدەگى كوكسەركەنىڭ سۇبەسى سىرتقا ەكسپورتتالىپ جاتىر

نۇر- سۇلتان. قازاقپارات – الماتى وبلىسىنىڭ الاكول اۋدانىندا بيىل بالىق وڭدەۋ زاۋىتى اشىلادى. مەكەمە قازىرگى ءوندىرىس ورنىنىڭ جانىنان قۇرىلماق. كوكسەركەنى قابىلداپ، سۇبەسىن ساتىلىمعا شىعاراتىن سەرىكتەستىكتىڭ جۇمىس ىستەي باستاعانىنا ءۇش جىل بولدى.

وسى ۋاقىت ارالىعىندا كاسىپورىن باسشىلارى شەتەلدىكتەرمەن ارىپتەستىك بايلانىس ورناتىپ، ءونىمىن ەۋروپاعا ەكسپورتتاپ جاتىر. ءۇشارالداعى بالىق زاۋىتى تاۋلىگىنە 3 توننا كوكسەركەنىڭ سۇبەسىن شىعارادى.

ءوندىرىس ورنى ەۋروستاندارت نەگىزىندە جۇمىس ىستەيدى. شيكىزات وڭدەۋدىڭ بىرنەشە ساتىسىنان ءوتىپ، توڭازتقىشتا قاتىرىلادى. سودان كەيىن قوراپقا سالىنىپ شەتەلگە جونەلتىلەدى.

يرينا ونيشۋك، زاۋىتتىڭ وندىرىستىك ديرەكتورى:

- بالىق اۋلاۋ رۇقسات بەرىلگەننەن كەيىن ءبىزدىڭ جۇمىس قىزا تۇسەدى. ياعني ماۋسىم ايىنان باستاپ، جاڭا جىلعا دەيىن توقتامايمىز. وسى كەزدە قاجەت كولەمدەگى بالىقتى قابىلداپ ۇلگەرەمىز. سودان كەيىن وڭدەي باستايمىز. اۋدان تۇرعىندارىنىڭ 100 شاقتىسى وسىندا ەڭبەك ەتىپ جاتىر. جۇمىسشىلارعا ءتورت ۋاقىت تاماق تەگىن بەرىلەدى. ودان وزگە دە الەۋمەتتىك جەڭىلدىكتەر قاراستىرىلعان.

الاكولدە كوكسەركە اۋلاۋعا تىيىم سالىنعان. سوندىقتان بالىق شىعىس قازاقستان وبلىسىنداعى زايسان كولىنەن جەتكىزىلەدى. قالىپتاسقان جاعدايعا قاراماستان كاسىپكەرلەر ءوندىرىسىن ءارتاراپتاندىرىپ، اۋقىمىن ۇلعايتپاق.

تىلەۋبەك التىبايەۆ، زاۋىت ديرەكتورى:

- الاكولدىڭ بالىعىن وڭدەيتىن زاۋىت سالىپ جاتىرمىز. ول دا جاقىن كۇندەرى اشىلادى. مىنا وكۋن، سازان، كاراس، لەش وڭدەلمەي جاتىر عوي. تەك قاتىرىلىپ جىبەرىلەدى. سونى ۇقساتساق تاعى دا جۇمىس ورىندارى اشىلادى. زاۋىتتا بالىق سۇيەگىن ۇنتاقتاۋ ءىسى وندىرىستىك جولعا قويىلىپ وتىر. بولاشاقتا ودان مال ازىعىنا قاجەت قۇراما جەم شىعارىلاتىن بولادى.

www.24.kz


باستى سوزدەر: ةكونوميكا,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات