توعىز مىڭعا جۋىق دارىگەر شەتەلدىك كلينيكالاردا بىلىكتىلىكتەرىن ارتتىراتىن بولادى – ش ق و
دەپ حابارلايدى قازاقپارات وبلىس اكىمىنىڭ باسپا ءسوز قىزمەتىنە سىلتەمە جاساپ.
سوڭعى ءۇش جىلدا 5511 دارىگەر، ونىڭ ىشىندە 276-سى الەمنىڭ جەتەكشى كلينيكالارىندا بىلىكتىلىكتەرىن جەتىلدىردى. بۇل دارىگەرلەردى دايارلاۋدىڭ ءۇش دەڭگەيلى باعدارلاماسى اياسىندا جۇزەگە اسىرىلىپ كەلەدى. اتاپ ايتساق، وبلىستا دەنساۋلىق ساقتاۋدى دامىتۋدىڭ كەشەندى جوسپارى جۇزەگە اسىرىلۋدا. ءۇش جىل ىشىندە 1080 جاڭا مەديتسينالىق جابدىق ساتىپ الىندى. روبوتوحيرۋرگيا، پوليتراۆما، ورتوپەديا جانە وفتالموحيرۋرگيا ورتالىقتارى اشىلدى. سونداي- اق، سەمەيدەگى جەدەل مەديتسينالىق كومەك اۋرۋحاناسى نەگىزىندە گيبريدتى وپەراتسيا زالى اشىلدى. التاي جانە اياگوز اۋداندارىنىڭ ورتالىقتارىندا Ⅱ دەڭگەيلى ينسۋلت ورتالىقتارى قۇرىلدى.
«ايماقتىق مەديتسيناعا ۇزدىك تەحنولوگيا مەن يننوۆاتسيالىق ەمدەۋ تاسىلدەرىنىڭ ەنگىزىلۋىنە بايلانىستى دارىگەرلەردىڭ بىلىكتىلىگىن ارتتىرۋ باستى نازارعا الىنىپ وتىر»، - دەيدى وبلىس اكىمى دانيال احمەتوۆ.
