17:06, 06 - قاڭتار 2020 | GMT +6
قازاقستان مەن يران سىرتقى ىستەر مينيسترلەرى تەلەفون ارقىلى سويلەستى
نۇر- سۇلتان. قازاقپارات - قازاقستان مەن يران س ءى م باسشىلارى تەلەفون ارقىلى سويلەستى، دەپ حابارلايدى قازاقپارات ق ر س ءى م باسپا ءسوز قىزمەتىنە سىلتەمە جاساپ.
2020 -جىلعى 5 - قاڭتاردا يران تاراپىنىڭ باستاماسىمەن قازاقستان رەسپۋبليكاسىنىڭ سىرتقى ىستەر ءمينيسترى مۇحتار تىلەۋبەردى يران يسلام رەسپۋبليكاسىنىڭ سىرتقى ىستەر ءمينيسترى موحامماد دجاۆاد زاريفپەن تەلەفون ارقىلى سويلەستى.
«يران س ءى م باسشىسى تاياۋ شىعىستاعى اعىمداعى احۋال تۋرالى حاباردار ەتتى.
مينيستر م. تىلەۋبەردى وڭىردەگى جاعدايدىڭ شيەلەنىسۋىنە الاڭداۋشىلىق ءبىلدىردى. ول بارلىق تاراپتاردى شيەلەنىستىڭ ودان ءارى ۋشىعۋىن بولدىرماۋ ءۇشىن ۇستامدىلىق تانىتۋعا جانە جانجالدى شەشۋدىڭ ساياسي- ديپلوماتيالىق جولدارىن ىزدەۋگە شاقىردى»، دەلىنگەن حابارلامادا.