ەلوردالىقتار مەديتسينالىق قىزمەتتىڭ ساپاسى تۋرالى قايدا حابارلاسۋى كەرەك؟
بيىلعى جىلدىڭ 1- قاڭتارىنان باستاپ قازاقستاندا مىندەتتى الەۋمەتتىك مەديتسينالىق ساقتاندىرۋ جۇيەسى ىسكە قوسىلدى. سول رەتتە پاتسيەنتتەر تاراپىنان تۇسكەن مەديتسينالىق قىزمەتتەردى كورسەتۋ ساپاسىنا قاتىستى شاعىمدار مەن ۇسىنىستار 5 ءتۇرلى جولمەن مەديتسينالىق ساقتاندىرۋ قورى قابىلدايدى.
تۇرعىندار دارىگەردىڭ دورەكىلىگىنە، مەديتسينالىق قىزمەتتەردىڭ ساپاسى مەن كولەمىنە قاتىستى سۇراعى بولسا، سونداي-اق تەگىن مەديتسينالىق قىزمەتتەرگە اقى تولەنگەندە، ولاردىڭ ساپاسى مەن قولجەتىمدىلىگىن جاقسارتۋ بويىنشا ۇسىنىستارىن بىلدىرە الادى.
«مەديتسينالىق ساقتاندىرۋ قورى قىزمەتكەرلەرىنىڭ حابارلاۋىنشا، قورعا جۇگىنۋدىڭ 5 ءتاسىلى بار. وسىلايشا، پاتسيەنتتەر ءاربىر مەديتسينالىق ۇيىمدا جۇمىس ىستەيتىن ىشكى اۋديتتىڭ پاتسيەنتتەردى قولداۋ قىزمەتىنە ۇسىنىس قالدىرا الادى»، دەلىنگەن حابارلامادا.
كەرى بايلانىس ءۇشىن بايلانىس دەرەكتەرىن كورسەتە وتىرىپ، باس دارىگەردىڭ اتىنا جازباشا ءوتىنىش جازۋ جەتكىلىكتى. ەكىنشى ءتاسىل - MVOTER موبيلدىك قوسىمشاسىندا مەديتسينالىق ۇيىمعا باعا بەرۋ. ول ءۇشىن م ءا م س پايدالانۋشىسى قوسىمشانى جۇكتەپ، مەديتسينالىق مەكەمەدە مەديتسينالىق ساقتاندىرۋ قورىنىڭ جەتكىزۋشىسىنىڭ QR- كودىن سكانەرلەپ، قىزمەت ساپاسىن باعالاۋ قاجەت. سونداي-اق، ازاماتتار قور سايتىنىڭ «حالىقتىق باقىلاۋ» بولىمىندە مىنا سىلتەمە ارقىلى https:fms.kz/ru/leave-complaint جازباشا ءوتىنىش قالدىرا الادى. سونداي-اق بەسىنشى ءتاسىل - قوردىڭ الەۋمەتتىك جەلىدەگى مەسسەندجەرىنە حابارلاما جىبەرۋ (fondosms (Facebook, Vk) ، fms.kz (Instagram).