حامەنەيدىڭ كەڭەسشىسى يراندىق گەنەرالدىڭ ولىمىنە قاتىستى يران قالاي جاۋاپ بەرەتىنىن ايتتى
CNN اگەنتتىگىنە تەگەراندا ەكسكليۋزيۆتى سۇحبات بەرگەن يسلام رەۆوليۋتسياسىنىڭ جوعارعى كوشباسشىسى اياتوللا حامەنەيدىڭ كەڭەسشىسى حوسسەين دەحگان وسىلاي ءمالىم ەتتى.
«امەريكا سوعىستى باستادى. سوندىقتان ولار ءوز ءىس-قيمىلدارىنا ساي جاۋاپ الۋى ءتيىس. كيكىلجىڭنىڭ وسى كەزەڭىنىڭ اياقتالۋى، تەك قانا امەريكالىقتار وزدەرى جاساعان سوققىسىنا تەڭ كەلەتىن سوققى العانىندا عانا بولادى»، - دەدى يراننىڭ بۇرىنعى قورعانىس ءمينيسترى.
ول «يراننىڭ جوعارعى كوشباسشىسى يران سوعىستى تاڭۋعا ۇمتىلمايتىنىن ءمالىم ەتكەنىن» اتاپ ءوتتى.
ەسكە سالا كەتەيىك، 3-قاڭتاردا باعدات حالىقارالىق اۋەجايىنا جاسالعان راكەتا شابۋىلىنان 8 ادام كوز جۇمدى. راكەتالار «ال- حاشد اش- شاابي» شييت جاساعىنا قارسى باعىتتالعان بولاتىن. كەيىننەن بۇل امەريكالىق پەنتاگوننىڭ وپەراتسياسى ەكەنى بەلگىلى بولدى.
ايتا كەتەيىك، راكەتا شابۋىلىنان قازا تاپقاندار اراسىندا يراندىق يسلام رەۆوليۋتسياسى اسكەرلەرى كورپۋسىنىڭ ارنايى ماقساتتاعى «ال كۋدس» قارۋلى كۇشتەرىنىڭ قولباسشىسى كاسەم سۇلەيماني دە بار.
ال، ا ق ش پرەزيدەنتى ترامپ يراننىڭ ماڭىزدى نىساندارىن اتقىلاۋ مۇمكىندىگىن جوققا شىعارمادى.