+7 (701) 759 90 19
-8 °С : نۇر-سۇلتان
-8 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

پرەزيدەنت اكىمشىلىگى مەملەكەتتىك جاردەماقىنىڭ كولەمىن اتادى

5 قاڭتار 14:43
:ءبولىسۋ
پرەزيدەنت اكىمشىلىگى مەملەكەتتىك جاردەماقىنىڭ كولەمىن اتادى

نۇر-سۇلتان. قازاقپارات – ق ر پرەزيدەنتى اكىمشىلىگى قوعامدىق قابىلداۋىنىڭ Telegram پاراقشاسى 2020-جىلدىڭ 1- قاڭتارىنان باستاپ قولدانىسقا ەنگىزىلگەن الەۋمەتتىك سالاداعى كەيبىر وزگەرىستەردى ءتۇسىندىردى، دەپ حابارلايدى قازاقپارات ءتىلشىسى.

اتاپ ايتقاندا، «التىن القا»، «كۇمىس القا» ناگرادالارىنىڭ لاۋەراتتارىنا، «باتىر انا» اتاعىن العاندارعا، 1-2- دارەجەلى «انا داڭقى» وردەنىمەن ماراپاتتالعان كوپبالالى انالارعا تولەنەتىن اي سايىنعى مەملەكەتتىك جاردەماقىنىڭ كولەمى تابىسقا قاراماستان 16973 تەڭگەنى قۇرايدى. مۇگەدەك بالانى كامەلەت جاسىنا تولعانعا دەيىن تاربيەلەيتىن اناعا نەمەسە اكەگە، اسىراپ الۋشىعا تاعايىندالاتىن جانە تولەنەتىن جاردەماقى كولەمى 43657 تەڭگە بولادى. ءدال وسىنداي مولشەردەگى جاردەماقى بالا كەزىنەن ءبىرىنشى توپتاعى مۇگەدەكتى باعىپ-قاعۋ ءۇشىن تولەنەدى.

سونىمەن قاتار جۇمىس ىستەۋ قابىلەتىن جوعالتقاندارعا، اسىراۋشىسىنان ايىرىلعاندارعا جانە جۇمىستان شىعىپ قالعاندارعا الەۋمەتتىك تولەم تاعايىنداۋ بارىسندا قولدانىلاتىن پارامەترلەر دە وزگەرىسكە ۇشىراپ، تولەم ورتاشا ەسەپپەن 30 پايىزعا كوبەيدى. جۇمىسىنان ايرىلعان، ءبىراق وعان دەيىن 100 مىڭ تەڭگە كولەمىندە ورتاشا تابىسى بولعان جانە الەۋمەتتىك ساقتاندىرۋ جۇيەسىنە قاتىسۋ ءوتىلى 5 جىلدان اساتىن ادامدار ءۇشىن تولەم سوماسى 30 مىڭنان 41600 تەڭگەگە دەيىن ۇلعايدى.

«4 جانە ودان دا كوپ كامەلەتكە تولماعان بالاسى نەمەسە 23 جاسقا دەيىنگى كۇندىزگى بولىمدە وقيتىن ستۋدەنتتەرى بار وتباسىعا جاڭا مەملەكەتتىك جاردەماقى بولىنەدى. ول وتباسىنىڭ كىرىسىنە قاراماستان سارالانعان مىناداي كولەمدە بەرىلەدى: 4 بالاعا - 42496 تەڭگە، 5 بالاعا - 53127 تەڭگە، 6 بالاعا - 63757 تەڭگە، 7 جانە ودان دا كوپ بالاعا 74388 تەڭگە»، - دەلىنگەن تاراتىلعان اقپاراتتا.

سونىمەن قاتار 2020-جىلدىڭ 1- قاڭتارىنان ستۋدەنتتەردىڭ شاكىرتاقىسى 25 پايىزعا ءوستى. اتاپ ايتقاندا، باكالاۆريات ستۋدەنتتەرىنىڭ شاكىرتاقىسى ەندى - 26186 تەڭگە، ماگيسترانتتاردىكى - 66913 تەڭگە، دوكتورانتتاردىكى - 102498 تەڭگە بولدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات