كاسەم سۇلەيماني دەگەن كىم؟ - الەمدىك باسپا سوزگە شولۋ

نۇر- سۇلتان. قازاقپارات - «قازاقپارات» ح ا ا ادەتتەگىدەي نازارلارىڭىزعا الەمدىك باسپا سوزگە شولۋىن ۇسىنادى.

تاجىكستان ساۋدا ديسبالانسىنان قۇتىلۋ ءۇشىن مۇعالىمدەرگە ماقتا تەرگىزىپ جاتىر - Eurasianet

تاجىكستاننىڭ مەملەكەتتىك سەكتور قىزمەتكەرلەرى ماقتا تەرىپ ءجۇر. بۇل ەكسپورت كورسەتكىشتەرىن جاقسارتۋ ءۇشىن جاسالىپ وتىرعان قادام بولعانىمەن، الەۋمەتتىك كەمشىلىكتەرى وتە كوپ، دەپ جازادى Eurasianet. باسىلىمنىڭ جازۋىنشا، مۇعالىمدەر ۇكىمەتتىڭ ناسيحات كامپانيالارى ءساتتى جۇزەگە اسىرىلعانىن، سول سەبەپتى وزدەرىنىڭ پايداسىن تيگىزىپ جاتقانىنا ريزا ەكەندەرىن ايتقان.

«مۇعالىمدەر ماقتا تەرۋ كەڭەس كەزەڭىندەگى ءداستۇردىڭ جالعاسى ەكەنىن ايتۋدا. ولاردىڭ ويىنشا، جۇمىس ىستەۋ قوسىمشا پايدا تابۋعا دا سەپتىگىن تيگىزەدى، سەبەبى مۇعالىمدەر تەرگەن ءار كيلوگرامم ماقتاعا اقى الادى»، دەپ جازادى باسىلىم. تاجىكستاننىڭ اۋىلشارۋاشىلىق مينيسترلىگىنىڭ حابارلاۋىنشا، 2019 -جىلدىڭ قورىتىندىسى بويىنشا 400 مىڭ توننا ماقتا جينالۋى ءتيىس.

«ادامدار اۋىر جۇمىسقا ءوز ەركىمەن بارىپ جاتىر دەپ ايتۋ - يلليۋزيا. جەرگىلىكتى تۇرعىنداردىڭ ايتۋىنشا، ماقتا تەرەتىن اۋداندارداعى تۇرعىندار باسقا جۇمىس تابۋ ماقساتىندا ەلدى مەكەنەردەن كوشىپ جاتىر. سول سەبەپتى كەيدە قالعان ادامدارعا كۇشتەپ ماقتا تەرگىزۋگە تۋرا كەلەدى»، دەپ جازادى باسىلىم.

ساراپشىلاردىڭ ايتۋىنشا، بيلىكتىڭ ماقتا ءوندىرىسىن ساقتاپ قالۋعا تىرىسۋى ساۋدا سالاسىنداعى بالانستىڭ بۇزىلۋىن رەتكە كەلتىرۋ ماقساتىن كوزدەيدى. 2018 -جىلى تاجىكستان 4,2 ميلليون دوللارعا تاۋار يمپورتىن جۇزەگە اسىرسا، ەكسپورتقا تەك 1,1 ميلليون دوللار جۇمساعان.

2020 -جىلى مارس پەن جەردىڭ اراقاشىقتىعى جاقىندايدى - The Economist

«2020 -جىلى عارىشقا ۇشۋ ءارتۇرلى ماقساتتا جۇزەگە اسىرىلادى: بىرەۋلەر مارستى يگەرمەك بولسا، ءبىرى جەردى قورعاۋ ماقساتىندا جاسالادى. اسىرەسە ەكى جىلدا ءبىر رەت جەر مەن مارستىڭ اراقاشىقتىعى جاقىندايتىنىن ەسكەرسەك، بيىل امەريكا، قىتاي، ەۋروپا مەن ب ا ءا-نىڭ عارىش اگەنتتىكتەرى قىزىل پلانەتاعا پيلوتسىز اپپاراتتارىن ۇشىرۋى مۇمكىن»، دەپ جازادى The Economist.

باسىلىمنىڭ حابارلاۋىنشا، ناسا عارىش اگەنتتىگىنىڭ مارستا روبوتتارى بار، ال بيىل درون- تىكۇشاق جىبەرىلۋى ءتيىس.

«ەۋروپانىڭ عارىش اگەنتتىگى ءالى مارسقا ەش قۇرىلعىسىن قوندىرمادى. 2016 -جىلى ولاردىڭ العاشقى ارەكەت ىساتسىزدىككە ۇشىرادى. ال ەندىگى جولى ەۋروپاعا ا ق ش پەن رەسەي كومەككە كەلەتىن بولادى.

«قىتاي العاش رەت مارسقا 2012 -جىلى اپپارات ۇشىردى. ول كەزدە قىتاي اپپاراتى رەسەيدىڭ عارىش كەمەسىنە جالعانعان بولاتىن. ەندى قىتاي ەشكىمنىڭ كومەگىنسىز مارسقا اپپارات ۇشىرۋى ءتيىس. دەگەنمەن، قىتاي عارىش اگەنتتىگى حالىقارالىق قولداۋدان باس تارتپايتىندارىن مالىمدەدى»، دەپ جازادى اۆتور.

ونىڭ ايتۋىنشا، 2020 -جىلى ب ا ءا دە امەريكامەن بىرىگىپ، مارسقا عارىش كەمەسىن جىبەرۋدى جوسپارلاپ وتىر.

كاسەم سۇلەيماني دەگەن كىم جانە ونىڭ ءولىمى نەلىكتەن كەڭىنەن تالقىلانۋدا؟ - Hürriyet

كاسەم سۇلەيماني 1988 -جىلدان بەرى يسلام رەۆوليۋتسياسى كۇزەت كوپۋسىنىڭ «كۋدس» ارنايى بولىمشەسىنىڭ باسشىسى بولدى. ول يران مەن ليۆانداعى «حەزبوللانىڭ» جاقىنداسۋىنا اتسالىسقان. يزرايل مەن كەيبىر اراب ەلدەرى بۇعان دەيىن ونى ولتىرمەك بولعان، دەگەنمەن، ول ارەكەتتەرى جۇزەگە اسىرىلماعان ەدى، دەپ جازادى Hürriyet باسىلىمى.

ماقالا اۆتورىنىڭ جازۋىنشا، الەمدىك ب ا ق يراندىق گەنەرال كاسەم سۇلەيمانيدى جويۋ تۋرالى بۇيرىقتى ا ق ش پرەزيدەنتى دونالد ترامپ بەرگەن دەگەن اقپارات تاراتقان.

«كۋدس كۇشتەرى امەريكادا «شەتەلدىك تەرروريستىك ۇيىمدار» تىزىمىنە ەنگەن. ا ق ش-تىڭ يران اسكەرىنىڭ جوعارى شەندى كومانديرىن ءولتىرۋى يران مەن امەريكانىڭ بايلانىسىن شيەلەنىستىرۋى مۇمكىن»، دەپ جازادى باسىلىم.

اۆتوردىڭ ايتۋىنشا، سۇلەيمانيمەن بىرگە قازا تاپقانداردىڭ ىشىندە «حاشدي شاابي» كۇشتەرىنىڭ ەكىنشى ماڭىزدى كومانديرى مۋحانديس بولعان. اقش 2019 -جىلدىڭ 8-ساۋىرىندە «حاشدي شاابيدى» دە تەرروريستىك ۇيىم رەتىندە تانىعان ەدى.

«يراك بيلىگى ازىرگە رەسمي مالىمدەمە جاساعان جوق. يراكتا ا ق ش پەن قىتايدىڭ اراسىندا سوعىس ءجۇرىپ جاتىر. ونىڭ سالدارىنان يراكتا حاوس بولادى. ەگەر يران سۋلەيمانيدىڭ ولىمىنەن كەيىن يراكتاعى جاعدايدى باسقارا الماسا، داعدارىس بولادى، سەبەبى يران قازىردىڭ وزىندە ەكونوميكالىق سانكسيالارعا ۇشىراعان ەدى»، دەيدى ساراپشىلار.

ال ۆاشينگتونداعى تاياۋ شىعىس ينستيتۋتىنىڭ ديرەكتورى چارلز ليستەر سۇلەيماني ءولىمىنىڭ سالدارىن بولجاۋ قيىن ەكەنىن، دەگەنمەن بۇل سوڭعى جىلدارداعى تاياۋ شىعىستاعى ەڭ ۇلكەن جاڭالىق ەكەنىن ايتتى. ول ا ق ش جاقىن ارادا سيريا مەن يراكتان تولىعىمەن كەتۋى مۇمكىن دەپ جازدى.

دامۋ باعدارلامالارىن قارجىلاندىرۋ ءتيىمسىز بولىپ شىقتى - Project Syndicate

«1960 -جىلدان باستاپ تابىس دەڭگەيى تومەن مەملەكەتتەردى دامىتۋعا رەسمي كومەك كورسەتۋ ماقساتىندا 4,6 تريلليون دوللار جۇمسالعان. دەگەنمەن، كەدەيلىك پەن ەكونوميكالىق ءوسىمنىڭ بولماۋى ءالى دە بۇقارالىق سيپاتتا قالىپ وتىر»، دەپ جازادى Project Syndicate.

«بۇدان شىعاتىن قورىتىندى - جاھاندىق سولتۇستىكتىڭ جاھاندىق وڭتۇستىككە جاساعان ءداستۇرلى كومەگى ءتيىمدى ەمەس. سوڭعى جيىرما جىلدا باتىس قارجى دونورلارى، دامۋ ينستيتۋتتارى يندۋسترالاندىرۋ مەن قۇرىلىمدىق ترانسفورماتسياعا نازار اۋدارماۋى ۇلكەن پروبلەما تۋعىزىپ وتىر»، دەپ جازادى باسىلىم. مىسالى، 1990 -جىلدان كەيىن افريكانىڭ ەنەرگەتيكالىق سەكتورىنا قارجى سالماۋ كوپتەگەن مەملەكەتتەگ دەينۋستريالاندىرۋعا الىپ كەلگەن.

«باتىس ۇكىمەتى مەن دامۋ ينستيتۋتتارى كومەك كورسەتۋ باعدارلامالارىن وندىرىستىك سەكتور مەن تەحنولوگيالىق پروگرەستىڭ دامۋىنا مۇمكىندىك بەرەتىندەي ەتىپ جوسپارلامايدى»، دەپ جازادى باسىلىم.

Google مەن Amazon مۇناي بيزنەسىنە كوشتى - Vox

«Google, Microsoft جانە Amazon الەمدى قازبا بايلىقتارىنا تاۋەلدىلىكتەن ارىلتۋ كەرەكتىگىن كوپ ايتادى. دەگەنمەن، Wall Street Journal جانە Gizmodo باسىلىمدارىنىڭ حابارلاۋىنشا، بۇل كومپانيالار قازىرگى تاڭدا قازبا وتىن سالاسىنداعى كومپانيالارمەن بىرىگىپ، مۇناي مەن گاز ءوندىرىسىن ارتتىرۋ ءۇشىن كومەك كورسەتۋگە كەلىسكەن»، دەپ جازادى Vox باسىلىمى.

اۆتوردىڭ جازۋىنشا، مۇنايدى تابۋ قيىنعا سوعاتىندىقتان، ساراپشىلار قارا التىن تاۋسىلۋعا جاقىن ەكەنىن ايتىپ جاتىر. دەگەنمەن، جاڭا تەحنولوگيالار يندۋستريانى ساقتاپ قالۋعا كومەكتەسە الادى ەكەن.

«جاساندى ينتەللەكت - سالانىڭ تەحنولوگيالىق قۇتقارۋشىسى بولا الادى. كومپيۋتەر الگوريتمدەرى ۇنەمى جەتىلدىرىلىپ وتىراتىندىقتان، بۇل مۇناي تابۋدى اۆتوماتتاندىرا الادى. 2018 -جىلى مۇناي- گاز سالاسى جاساندى ينتەللەكتىگە 1,75 ميلليارد دوللار جۇمساعان. 2025 -جىلعا قاراي بۇل 4 ميلليارد دوللارعا دەيىن وسەدى» ، دەپ جازادى باسىلىم.

اۆتور: ايكۇمىس بولاتبەك