وتكەن جىلعى الەمنىڭ ەڭ كورىكتى ەرلەرىنىڭ ءتىزىمى جاريالاندى
1990 -جىلدان بەرى ءار جىلدىڭ سوڭىندا سۇلۋلىعىمەن كوزگە تۇسكەن تانىمال تۇلعالاردىڭ ءتىزىمى جاسالادى. كاسىبي مودەلدەردەن بولەك، بۇل تىزىمدە اكتەرلەر، سپورتشىلار، انشىلەر مەن بلوگەرلەر دە بار.
بيىلعى كورىكتىلەر ءتىزىمىن امەريكالىق اكتەر كريس ەۆانس اشادى. Marvel كينو الەمىندەگى كاپيتان امەريكانىڭ ءرولىن سومداعان ك. ەۆانس 100-ورىندا تۇر.
سونداي- اق، بۇل تىزىمگە اكەلى- بالالى دەۆيد بەكحەم (20-ورىن) مەن برۋكلين بەكحەم (92-ورىن) قوسىلعان.
ايگىلى فۋتبولشىنىڭ ۇلى بريتاندىق مودەل جانە فوتوسۋرەتشى بولىپ جۇمىس ىستەيدى. ال ارنولد شۆارتسەنەگگەردىڭ ۇلى - پاتريك ارنولد شرايۆەر شۆارتسەنەگگەر (اكتەر، فوتومودەل) بىردەن 21-ورىننان كورىندى. تاعى ءبىر تانىمال فۋتبولشى كريشتيانۋ رونالدۋ 78-ورىنعا تۇراقتادى. ال ارگەنتينالىق فۋتبولشى ليونەل مەسسي 2019 -جىلعى سۇلۋلىق تىزىمىنەن شىعىپ قالعان.
بولليۆۋد جۇلدىزدارى دا تىزىمنەن تۇراقتى تۇردە كورىنىپ كەلەدى: 95-ورىندا شاحيد كاپۋر، 48-ورىندا سيدحارت مالحوترا. تۇركيالىق اكتەرلەر اراسىندا شاعاتاي ۇلىسوي - 31-ورىندا، بارىش اردۋچ - 37 ورىندا جانە دجان يامان - 76-ورىنعا جايعاسقان. حارري پوتتەردى سومداعان بريتاندىق اكتەر دەنيەل رەدكليفف 79-ورىندا تۇر. «تاقتار تالاسى» سەريالىنىڭ جانكۇيەرلەرى بريتاندىق اكتەر كيت حارينگتونعا داۋىس بەرىپ، 72-ورىنعا شىعاردى.
انشىلەر مەن مۋزىكانتتار اراسىندا چارلي پۋت (64-ورىن)، زەين ماليك (60-ورىن)، رەسەيلىك ءانشى، اكتەر الەكسەي ۆوروبيەۆ (23-ورىن) بار.
تىزىمدەگى ورىنداردىڭ باسىم بولىگى گولليۆۋد جۇلدىزدارىنا بەرىلگەن. دۋەين دجونسون (94-ورىن)، كاپيتان كيرك رولىمەن تانىلعان كريس پاين (55-ورىن)، بريتاندىق دجەيمي دورنان (51-ورىن)، زاك ەفرون (49-ورىن)، ارمي حاممەر (32-ورىن) جانە تىزىمگە 7 جىل قاتارىنان ەنگەن اكتەر يدريس ەلبا 18-ورىندا تۇر. 17-ورىندا بريتاندىق گەنري كاۆيلل، 13-ورىندا جاس اكتەر تيموتي شالامە، 10-ورىندا اۋستراليالىق كريس حەمسۆورت بار.
2018 -جىلدىڭ ەڭ كورىكتى كەلبەتى اتانعان دجەيسون موموا بيىل 5-ورىنعا سىرعىعان. 2019 -جىلدىڭ ۇزدىك ۇشتىگىن كانادالىق ءانشى شون مەندەس (3-ورىن)، فەليكس چەلبەرگ ( Felix Kjellberg) نەمەسە پيۋديپاي - شۆەد ۆيدەوبلوگەرى جانە شوۋ- بيزنەس وكىلى (2-ورىن) جانە وڭتۇستىك كورەيالىق ءانشى، پروديۋسەر، BTS توبىنىڭ باستى ۆوكاليسى چون دجونگۋك (1-ورىن) تۇيىندەيدى.
ەسكە سالا كەتسەك، قازاقستاندىق ءانشى ديماش قۇدايبەرگەن 2018 -جىلعى كورىكتى ەرلەر تىزىمىنە ەنىپ، 90-ورىن العان ەدى. ال 2017 -جىلى 76-ورىندا بولعان.
اۆتور ايجان سەرىكجان قىزى