قازاقستانعا ا ق ش مەملەكەتتىك حاتشىسى مايك پومپەو كەلەدى
بۇل تۋرالى پومپەو Twitter الەۋمەتتىك جەلىسىندەگى پاراقشاسىندا حابارلادى.
بۇل جولعى ساپارىندا ا ق ش مەملەكەتتىك حاتشىسى نۇر-سۇلتاندا قازاقستان پرەزيدەنتى قاسىم-جومارت توقايەۆپەن، ەلدى وتىز جىلعا جۋىق باسقارعاننان كەيىن بيىل ناۋرىزدا پرەزيدەنتتىكتەن كەتكەن، الايدا قاۋىپسىزدىك كەڭەسىنىڭ ءتوراعاسى ءارى بيلىكتەگى «نۇر وتان» پارتياسىنىڭ جەتەكشىسى رەتىندە بيلىككە ىقپالىن ساقتاپ قالعان نۇرسۇلتان نازاربايەۆپەن، قازاقستاننىڭ سىرتقى ىستەر ءمينيسترى مۇحتار تىلەۋبەردىمەن كەزدەسىپ، ەكىجاقتى، ايماقتىق، ساياسي، ەكونوميكالىق جانە مادەني-گۋمانيتارلىق ىنتىماقتاستىق ماسەلەلەرى تالقىلانادى دەپ جوسپارلانعان.
6- قاڭتاردا پومپەو مەن تىلەۋبەردى تاشكەنتتە ورتالىق ازياداعى بەس مەملەكەتتىڭ سىرتقى ىستەر مينيسترلەرىنىڭ قاتىسۋىمەن «س5+1» فورماتىندا وتەتىن كەزدەسۋگە قاتىسادى.
بۇل جولعى ساپارىندا پومپەو ورتالىق ازيادان وزگە ۋكراينا، بەلارۋس جانە كيپرگە ساپارمەن بارادى.
«ازاتتىق»