نۇر-سۇلتاندا توقىلعان شىرشا قۇرىلدى

نۇر-سۇلتان. قازاقپارات - جاڭا جىل قارساڭىندا ەلوردالىقتار ءوز كوڭىلدەرىن كوتەرىپ جاتىر. استانا ورتاسىندا ەرىكتىلەر ەرەكشە توقىلعان شىرشا قۇردى.

بۇل تۋرالى ەۋرازيا ءبىرىنشى ارناسى حابارلايدى.

قۇراق كورپە ستيلىندەگى ايرىقشا شىرشانى قازاقستاننىڭ بەس قالاسىنان 50 گە جۋىق ادام توقىعان. ەكى كەلى ءتۇرلى-ءتۇستى يىرىلگەن جىپتەر، 100 قول مەن جاڭا جىلدىق كوڭىل-كۇيدىڭ ارقاسىندا 3,5 مەترلىك شىرشا پايدا بولدى.

ەرىكتىلەر مەن جولدان ءوتىپ جاتقان حالىق شىرشانى بارىنشا ارلەۋگە تىرىسقان. بۇل ىستەن ەشكىم دە تىس قالماعان.

ال قاراعاندى مەن پاۆلوداردا جاڭا جىلدىق اۆتوبۋستار مەن ترامۆايلار ءجۇر. كوندۋكتورلار جولاۋشىلارعا سىيلىق تۇرىندەگى ەرەكشە بيلەتتەر تاراتۋدا.

ايتا كەتەيىك، اقتاۋدا ەرەكشە جاڭا جىلدىق اۆتوكولىك پايدا بولدى. قالا تۇرعىنى ۆيتالي ءوز كولىگىن ءتۇرلى ءتۇستى گيرلياندالارمەن بەزەندىرىپ، وسىلايشا حالىقتى مەرەكەمەن قۇتتىقتاماق بولعان. الايدا، جول پوليتسياسى اۆتوكولىكتىڭ ءنومىرىن شەشىپ، جۇرگىزۋشىنى جاۋاپكەرشىلىككە تارتتى.

جاڭا جىل كوپشىلىك تاعاتسىزدانا كۇتەتىن سيقىرلى مەرەكە. ونى ءدىنى مەن ۇلتى ءارتۇرلى الەمنىڭ بارشا حالقى اتاپ وتەدى. دەسە دە كەيبىر ەلدەر ءۇشىن 31- جەلتوقساننان 1- قاڭتارعا قاراعان ءتۇن جاڭا جىل بولىپ ەسەپتەلمەيدى. ولاردىڭ وزدەرى تويلايتىن ەرەكشە جاڭا جىلى بار.