ەلوردادا جالعان ۆيزامەن جۇرگەن نيگەريانىڭ ەكى ازاماتى ۇستالدى

None
None
نۇر-سۇلتان. قازاقپارات - نۇرسۇلتان نازاربايەۆ اۋەجايىندا جالعان ۆيزامەن جۇرگەن نيگەريالىقتار ۇستالدى، دەپ حابارلايدى قازاقپارات ۇلتتىق قاۋىپسىزدىك كوميتەتىنىڭ شەكارا قىزمەتىنە سىلتەمە جاساپ.

كەشە ساعات 04.30 شاماسىندا ەلورداداعى «نۇرسۇلتان نازاربايەۆ» اۋەجايىندا شەكارا جاساعى «ىستانبۇل -نۇر-سۇلتان» باعىتىنداعى حالىقارالىق اۋە رەيسىمەن ۇشىپ كەلگەن 29 جانە 49 جاستاعى نيگەريالىق ەكى ازاماتتى ۇستادى.

«ەلىمىزگە كەلگەن شەتەلدىك جولاۋشىلاردىڭ مەملەكەتتىك شەكارادان وتۋگە قۇقىق بەرەتىن قۇجاتتارىن تەكسەرۋ كەزىندە بۇل ازاماتتار شەكاراشىلارعا قازاقستان رەسپۋبليكاسىنىڭ ەلەكتروندىق ۆيزاسىنىڭ كوشىرمەلەرىن ۇسىنعان. الايدا، ەلەكتروندى ۆيزا بەرۋ تۋرالى مالىمەتتەر بازاسىندا بۇل ازاماتتارعا قازاقستاندىق ۆيزا بەرىلگەنى تۋرالى مالىمەت راستالمادى. ساناۋلى مينۋتتاردىڭ ىشىندە قازاقستان رەسپۋبليكاسى سىرتقى ىستەر مينيسترلىگىنىڭ حالىقارالىق اۋەجايداعى رەسمي وكىلىنە ءتيىستى ساۋال جولدانىپ، اتالعان نيگەريا ازاماتتارىنا ەلەكتروندى ۆيزانىڭ بەرىلمەگەنى، ۇسىنىلعان قۇجاتتاردىڭ قولدان جاسالعانى بەلگىلى بولدى»، دەلىنگەن حابارلامادا.

ۇستالعان نيگەريالىقتاردىڭ جولى بولمادى. ولار كەلەسى اۋە رەيسىمەن ءوز ەلىنە دەپورتاتسيالانادى.

سوڭعى جاڭالىقتار