ديماش قۇدايبەرگەننىڭ نيۋ-يوركتەگى كونسەرتى بۇگىن «قازاقستان» ارناسىنان كورسەتىلەدى

نۇر-سۇلتان. قازاقپارات - بۇگىن جاڭا جىل مەرەكەسىنە وراي ديماش قۇدايبەرگەننىڭ نيۋ-يوركتە وتكەن كونسەرتىنىڭ تەلەنۇسقاسى كورسەتىلەدى، دەپ حابارلايدى قازاقپارات «قازاقستان» تەلەراديوكورپوراتسياسىنىڭ باسپا ءسوز قىزمەتىنە سىلتەمە جاساپ.

ا ق ش-تىڭ ايگىلى «Barclays Center» ارەناسىنا 51 ەلدەن 20 مىڭعا جۋىق تىڭدارمان جيناعان 2019 -جىلدىڭ ەڭ اۋقىمدى شوۋىن بۇگىن ساعات 17:20-دان باستاپ «Qazaqstan» ۇلتتىق تەلەارناسى ۇسىنعالى وتىر.

ودان بولەك، كونسەرت الىندا كورەرمەنگە ءبىر ساعاتتىق ارنايى جوبا ۇسىنىلادى. ەكسكليۋزيۆ جوبادا ديماشتىڭ اتا- اناسىمەن بىرگە، قازاقستاندىق جانە الەمنىڭ تۇكپىر- تۇكپىرىندەگى فاناتتارىنىڭ سۇحباتتارى بەرىلەدى.

«كوسموس جانە الەمنىڭ شەكسىزدىگى» اتتى شوۋدا نۇر-سۇلتاندا وتكەن جازعى كونتسەرتتىڭ ەڭ جاقسى ساتتەرى قامتىلعان. ديماش وركەستردىڭ سۇيەمەلدەۋىمەن «اداي» كۇيىن، وزگە دە كومپوزيتسيالاردى ورىندايدى. سونداي-اق، اندەرىن قازاق، اعىلشىن، ورىس، فرانسۋز، يتاليان جانە قىتاي تىلدەرىندە شىرقايدى.