مۇعالىمدەرگە ءتىل تيگىزگەن اتا-انالار تۇتقىندالۋى مۇمكىن

نۇر-سۇلتان. قازاقپارات - ەلىمىزدە مۇعالىمدەرگە ءتىل تيگىزگەن اتا-انالار تۇتقىندالۋى مۇمكىن. 

بۇل جايىندا AstanaTV تەلەارناسى جەلتوقسان ايىنىڭ 26 سى كۇنى سەناتتا ماقۇلدانعان «پەداگوگ مارتەبەسى تۋرالى» زاڭعا جانە قازاقستان رەسپۋبليكاسىنىڭ ءبىلىم بەرۋ جانە عىلىم ءمينيسترى اسحات ايماعامبەتوۆكە سىلتەمە جاساي وتىرىپ حابار تاراتتى.

«پەداگوگقا ءتىل تيگىزۋ. ونىڭ قۇقىعىنا، زاڭدى مۇددەسىنە قول سۇعۋعا قاتىستى اكىمشىلىك كودەكس بويىنشا جەكە نورما بار»، - دەدى مينيستر.

ونىڭ ايتۋىنشا، مۇنداي جاعدايدا زاڭ تالابى بويىنشا 30 ايلىق ەسەپتىك كورسەتكىش مولشەرىندە ايىپپۇل سالىنادى. قايتالانعان جاعدايدا اكىمشىلىك قاماۋعا الىنادى.

ەستەرىڭىزگە سالا كەتسەك، ەلىمىزدەگى ءبىر ايلىق ەسەپتىك كورسەتكىش 2020 -جىلى 2651 تەڭگەنى قۇرايتىن بولادى. ياعني، مۇعالىمگە ءتىل تيگىزگەن اتا-انا 79530 تەڭگە ايىپپۇل تولەيدى.

islam.kz