قازاقستان مەن وزبەكستان كينەماتوگرافتارى قوجا احمەت ياساۋي جايلى كينو تۇسىرەدى - شەتەلدەگى قازاق ءتىلدى ب ا ق- قا شولۋ

نۇر- سۇلتان. قازاقپارات- «قازاقپارات» ح ا ا ادەتتەگىدەي شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

قازاقتىڭ بايىرعى تەرى شاڭعىسى وليمپيادا ويىندارى وتەتىن شاڭعى بازاسىندا تانىستىرىلدى - «التاي اقپارات» سايتى

قازاقتىڭ بايىرعى تەرى شاڭعىسى قىتايدىڭ جاڭجياكۋ قالاسىندا وتكەن شاڭعى سپورتىنا ارنالعان ءداستۇرلى مەرەكەلىك ءىس- شارادا تانىستىرىلدى، دەپ جازادى altxw.com سايتى.

اتالعان ب ا ق- تىڭ جازۋىنشا، 2022 -جىلعى قىسقى وليمپيادا ويىندارى قىتايدىڭ چۇڭلي فۋلۇڭ شاڭعى بازاسىندا وتەدى. وسى جەردە ۇيىمداستىرىلعان شاڭعى سپورتىنا ارنالعان حالقارالىق مەرەكەلىك ءىس- شارانىڭ اشىلۋ سالتاناتىندا وزىندىك ەرەكشەلگى بار 16 شاڭعى ءتۇرى جۇرتشىلىققا كورسەتىلگەن. شارادا جىلقى تەرىسىمەن تاباندالعان قازاق حالقىنىڭ بايىرعى ءداستۇرلى تەرى شاڭعىسى دا تانىستىرىلعان.

«بۇل ءدۇبىرلى حالقارالىق شارانىڭ اشىلۋ سالتاناتىندا تاۋ بەتكەيىنەن باياۋ سىرعاناپ تۇسكەن شاڭعىشىلار شەرۋىندە، 4 مىڭ شاقىرىم الىستاعى التايدان جەتكەن شاڭعىشىلار توبى جۇرتتىڭ ەرەكشە نازارىن اۋداردى. ولار قازاقتىڭ ۇلتتىق كيىمدەرىن كيىپ، قولدارىنا «ادامزاتتىڭ العاشقى شاڭعى مادەنيەتى پايدا بولعان جەر» دەگەن جازۋى بار پلاكات ۇستاپ شىققان. بۇل وسى جولعى شارانىڭ اشىلۋ سالتىنداعى ەڭ ءبىر اسەم جانە اسەرلى كورىنىسكە اينالدى. عالىمدار التاي جەرىندەگى شاڭعى تەبۋ بەينەلەنگەن جارتاس سۋرەتىن زەرتتەپ، ونى 10 مىڭ جىلدىڭ الدىنداعى جادىگەر رەتىندە مويىنداعان. سودان كەيىن 2007 -جىلى «التاي تاۋى ەڭ بايىرعى قار شاڭعىسى مەكەنى» دەپ گيننەستىڭ رەكوردتار كىتابىنا ەنگىزىلگەن» ، - دەپ جازادى «التاي اقپارات» سايتى.

ەستەرىڭىزگە سالا كەتەيىك، قازاق حالقىنىڭ تەرى شاڭعىسى ەڭ كونە قار شاڭعىنىڭ ءبىر ءتۇرى. تاۋلى جەردە كولىك قاتىناسى قولايسىز بولعاندىقتان، قازاقتار تەرى شاڭعىنى كەڭىنەن پايدالانعان. بۇل شاڭعىنىڭ وزەگىن قايىڭ مەن قاراعاي اعاشىنان جاساپ، سىرتىن جىلقى سيراعىنىڭ تەرىسىمەن قاپتايدى. شاڭعى ورنىنان قوزعالىپ، ەكپىن الۋ ءۇشىن ءبىر تاياقتى عانا قولدانعان. باسقا قار شاڭعىعا قاراعاندا، تەرىدەن جاسالعان شاڭعىنىڭ وزىندىك ەرەكشەلىگى - ورگە شىققاندا تەرى جۇنىنە قارسى باعىتتا بولعاندىقتان، بيىكتەن ارتقا سىرعىپ كەتپەيدى. تاۋدان تومەن سىرعاناعاندا ءبىر باعىتتا جىعىلعان تەرى جۇنىنە باعىتتاس بولعاندىقتان، جىلدامدىعى باسقا قار شاڭعىلاردان تەز بولعان.

قازاقستان مەن وزبەكستان كينەماتوگرافتارى بىرلەسىپ قوجا احمەت ياساۋي جايلى كينو تۇسىرەدى - «ءو ز ا» اقپاراتتىق اگەنتتىگى

ورتالىق ازياداعى سوپىلىق پوەزيانىڭ نەگىزىن قالاۋشى، تۇركى ءتىلىنىڭ ساقتالۋىنا زور ۇلەس قوسىپ، كۇللى كۇنشىعىس مۇسىلماندارىنىڭ رۋحاني ۇستازىنا اينالعان ۇلى تۇلعا قوجا احمەت ياساۋي جايلى وزبەكستان مەن قازاقستان بىرىگىپ كينو تۇسىرەتىن بولدى، دەپ جازادى وزبەكستاننىڭ «ءو ز ا» مەملەكەتتىك اقپاراتتىق اگەنتتىگى.

«بۇل جونىندە «وزبەك كينو» ۇلتتىق اگەنتتىگىندە بولعان قازاقستان رەسپۋبليكاسىنىڭ مادەنيەت جانە سپورت ءمينيسترى اقتوتى رايىمقۇلوۆا مەن «وزبەككينو» ۇلتتىق اگەنتتىگىنىڭ باس ديرەكتورى فيرداۆس ابدۋحاليكوۆتىڭ كەزدەسۋىندە ءمالىم بولدى. سونداي- اق كەزدەسۋدە، ەكى ەلدىڭ اراسىنداعى كينو مايتالماندارىنىڭ بايلانىسىن ارتتىرۋ، بىرلەسىپ ۇلكەن جوبالاردى جۇزەگە اسىرۋ جانە كەلەر 2020 -جىلدا قازاقستاندا «وزبەك كينوسى كۇندەرىن» وتكىزۋ جايلى كەلىسىم جاسالدى. اقتوتى رايىمقۇلوۆانىڭ وزبەكستانداعى ساپارى اياسىندا وزبەكستاننىڭ «جىبەك جولى» حالىقارالىق ۋنيۆەرسيتەتى مەن قازاقستان رەسپۋبليكاسىنىڭ «تۋريزم جانە قوناقجايلىلىق» حالىقارالىق ۋنيۆەرسيتەتى اراسىنداعى جەلىلىك سەرىكتەستىك قۇرۋ تۋرالى مەموراندۋم كەلىسىمى ورنادى» ، - دەپ جازادى «ءو ز ا» اقپاراتتىق اگەنتتىگى.

ايمان بەكبولات قىزى «Owlypia-2019» حالىقارالىق سايىسىندا ۇزدىك اتاندى - kaznews.mn

بايان- ولگي ايماعىنىڭ وقۋشىسى ايمان بەكبولات قىزى «Owlypia-2019» حالىقارالىق سايىسىنىڭ ونلاين ناتيجەسىندە ۇزدىك ۇشتىكتەن كورىنىپ، 2020 -جىلى ماۋسىم جانە شىلدە ايىندا ا ق ش پەن ۇلىبريتانيادا وتەتىن اقتىق سىنعا جولداما الدى، دەپ جازادى موڭعوليانىڭ KAZNEWS اقپاراتتىق پورتالى.

اتالعان ب ا ق- تىڭ جازۋىنشا، 11 مەن 14 جاس ارالىعىنداعى وقۋشىلار ەكى ءتۇرلى ساناتقا ءبولىنىپ، ءپانارالىق تەست تاپسىرعان. بەرىلگەن تاقىرىپتارعا ساي، ۆيكتورينالىق سۇراقتارعا جاۋاپ بەرىپ، ەسسەلەر جازادى. جاسوسپىرىمدەردىڭ يننوۆاتسيالىق ءبىلىمىن دامىتۋعا ارنالعان بايقاۋ تەك اعىلشىن تىلىندە وتكەن.

قازاقستان «بايقوڭىرداعى» 11,6 مىڭ گەكتار اۋماقتى قايتارىپ الادى - TRT

قازاقستان رەسەيگە جالعا بەرىلگەن بايقوڭىر عارىش كەشەنىنەن 11,6 مىڭ گەكتار اۋماعىن قايتارىپ الادى، دەپ حابارلايدى تۇركيا راديو تەليەۆيزيا پورتالى.

«مەملەكەت باسشىسى قاسىم- جومارت توقايەۆتىڭ «1994 -جىلعى 10 - جەلتوقسانداعى قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى «بايقوڭىر» كەشەنىن جالعا بەرۋ شارتىنا وزگەرىس ەنگىزۋ تۋرالى حاتتامانى راتيفيكاتسيالاۋ تۋرالى» قازاقستان رەسپۋبليكاسىنىڭ زاڭىنا قول قويعانى حابارلاندى. قازاقستان رەسپۋبليكاسى اۋىل شارۋاشىلىعى مينيستىرلىگىنىڭ ءبىرىنشى ۆيتسە- ءمينيسترى ايداربەك ساپاروۆ قايتارىلاتىن جەر ۋچاسكەلەرىنە رەسپۋبليكالىق ماڭىزى بار نىساندار سالىناتىنىن بىلدىرگەن بولاتىن. ساپاروۆ جەردىڭ قايتارىپ الىنۋىنىڭ بازانىڭ جىلدىق جالعا الۋ سوماسىنا اسەر ەتپەيتىنىن ايتقان ەدى» ، - دەپ جازادى TRT.

تاشكەنتتە وزبەكستان مەن قازاقستان عالىمدارى قاتىسقان حالىقارالىق كونفەرەنسيا ءوتتى - « ءو ز ا» اقپاراتتىق اگەنتتىگى

تاشكەنتتە وتكەن كونفەرەنسيا 2018-2019 -جىلدار ارالىعىنداعى وزبەكستان مەن قازاقستاننىڭبىرلەسە جۇزەگە اسىرعان «حالىقارالىق قازاق- وزبەك عىلىمي- زەرتتەۋ جوبالارى» جايلى بولدى، دەپ جازادى وزبەكستاننىڭ «ءو ز ا» مەملەكەتتىك اقپاراتتىق اگەنتتىگى.

اتالعان ب ا ق- تىڭ جازۋىنشا، وسى جوبالار اياسىندا «دەشتى قىپشاق» دالاسىندا قۇرىلىپ قازىرگە دەيىن جويىلىپ كەتكەن تاريحي قالالار مەن ساقتالىپ قالعان كەسەنەلەر تۋرالى ءسوز بولدى. سونداي- اق، حاندىقتاردىڭ قالىپتاسۋ كەزەڭىندە ورىن العان سوعىستار تۋرالى جانە حاندىقتان كەيىنگى ءداۋىردىڭ دامۋى، ءتۇرلى ەتنوستىق توپتاردىڭ تارالۋىنا بايلانىستى كوشپەندى حالىقتىڭ وتىرىقشىلىققا قالىپتاسۋى جايلى اۋقىمدى زەرتتەۋ جاساعان بەلگىلى قازاقستاندىق جانە وزبەكستاندىق عالىمدار ءوز زەرتتەۋلەرى جايلى بايانداما جاساپ ورتالىق ازيانىڭ تاريحىنا قاتىستى قىزىقتى دەرەكتەرمەن بولىسكەن.

ەكى جىل كولەمىندەگى عىلىمي- زەرتتەۋلەرلەر ورتالىق ازيانى زەرتتەۋ حالىقارالىق ينستيتۋتى مەن قازاقستان رەسپۋبليكاسى سىرتقى ىستەر مينيسترلىگىنىڭ قولداۋىمەن ۇيىمداستىرىلعان.

«اتالعان حالىقارالىق كونفەرەنسياعا، وزبەكستانداعى قازاقستان رەسپۋبليكاسى ەلشىسىنىڭ سەنىمدى وكىلى، يۋنەسكو بويىنشا قازاقستان رەسپۋبليكاسىنىڭ ۇلتتىق كوميسسياسى باس حاتشىسى انار دۋتبايەۆا، قىزىلوردا وبلىسى مادەنيەت باسقارماسى باسشىنىڭ ورىنباسارى ءابۋوۆا مەيرامكۇل، ورتالىق ازيانى زەرتتەۋ حالىقارالىق ينستيتۋتى ديرەكتورى دميتريي ۆوياكين قاتىستى. جينالىستا اليموۆا ديلوروم «ءامىر تەمىر جانە تەمۋريدتەر ءداۋىرىنىڭ تاريحى» ، باۋىرجان بايتانايەۆ «قاسيەتتى ۇلىتاۋ» جايلى، ك. جەتىبايەۆ «ۇلى جىبەك جولىنداعى ورتاعاسىرلىق سىعاناق قالاسى»، ا. كۋباتين «تاريحتا ورتا ازياداعى تۇركى حالىقتارىنىڭ مەملەكەتتىلىك تاريحىنداعى شىڭعىسيدتەردىڭ ورتاق مۇراسى» جايلى، ت. ب عالىمدار ءوز زەرتتەۋلەرى جايلى بايانداما جاسادى» ، - دەپ جازادى «ءو ز ا» اقپاراتتىق اگەنتتىگى.

 قازاقستان تۇڭعىش رەت قىتايعا كوپ مولشەردە جۇگەرى ەكسپورتتادى - «جەنمين جيباو» (People Daily)

قازاقستاننان 23- جەلتوقسان كۇنى 1000 توننا جۇگەرى تيەگەن جۇك پويىزى «قورعاس» كەدەن بەكەتى ارقىلى ءوتىپ، قىتايدىڭ ءۇرىمجى قالاسىنا كەلدى، دەپ حابارلايدى kazakh.people.com.cn سايتى.

«قازاقستان تۇڭعىش رەت قىتايعا كولەمدى جۇگەرى ەكسپورتىن جاسادى. جۇگەرى ءونىمى قازاقستاننىڭ الماتى وبلىسىندا وسىرىلگەن. جەرگىلىكتى اۋىل شارۋاشىلىق- كاسىپورىندارىنىڭ مالىمەتىنشە، الماتى وبلىسى بيىلعى جىلى جۇگەرى ەگىلگەن جەر كولەمىن 80 مىڭ گەكتارعا جەتكىزىپ، 550 مىڭ توننا ءونىم العان. بۇرىندارى الماتى وبلىسى جۇگەرىنى تەك جۇك كولگىمەن قىرعىزستان، تاجىكستان، وزبەكستان ەلدەرىنە شىعارىپ كەلگەن» ، - دەپ جازادى People Daily.

قازاقستان بىشكەككە ارالدى قۇتقارۋ قورىنىڭ جۇمىسىن قايتا جاڭعىرتۋدى ۇسىندى - TRT

قازاقستاننىڭ ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ بىشكەككە حالىقارالىق ارالدى قۇتقارۋ قورى (ح ا ق ق) جۇمىسىن قايتا جاڭعىرتۋدى ۇسىندى، دەپ حابارلايدى تۇركيا راديو تەليەۆيزيا پورتالى.

«مىرزاعاليەۆ ارال تەڭىزىن قۇتقارۋ ءۇشىن 1993 -جىلى قازاقستان، قىرعىزستان، وزبەكستان، تۇرىكمەنستان جانە تاجىكستان اراسىندا قۇرىلعان ح ا ق ق- نىڭ جۇمىستارى جونىندە باسپا ءسوز ءماسليحاتىن وتكىزدى. قوردىڭ بەلسەندى ىستەر اتقارعانىن بىلدىرگەن مينيستر تەك بىشكەكتىڭ 2015 -جىلدان باستاپ، ءوزىنىڭ ح ا ق ق پەن ونىڭ ورگاندارىنا قاتىسۋىن شەكتەگەنىن ايتىپ، مۇنىڭ قور جۇمىستارىندا قيىندىق تۋدىرعانىن اتاپ ءوتتى. مينيستر: «ءبىر اپتا بۇرىن بىشكەكتە ارىپتەستەرىم جانە ۇكىمەت مۇشەلەرىمەن كەزدەستىم. قىرعىزستانعا حالىقارالىق ارالدى قۇتقارۋ قورى شەڭبەرىندە ىنتىماقتاستىقتى جانداندىرۋدى ۇسىندىق» دەدى» ، - دەپ جازادى TRT.

اۆتور: باقىتجول كاكەش