ديماش قۇدايبەرگەن قىتايدىڭ ۇزدىك ءارتىسى اتاندى

نۇر-سۇلتان.قازاقپارات -  قازاقستاندىق تانىمال ءانشى ديماش قۇدايبەرگەن قىتايدىڭ «Internet Bull Ears awards 2019» جەڭىپ الدى.

«Internet Bull Ears awards 2019» قىتاي. بەيجىڭ. قىتاي جۇلدەسى ءۇشىن كوپ راحمەت. جىلدىڭ ۇزدىك ءارتىسى ماراپاتىن الۋ -  ۇلكەن عانيبەت. بارلىق جانكۇيەرلەرىمە، ۇيىمداستىرۋشىلارىما جانە قىتايلىق كومانداما العىس ايتامىن»، - دەپ جازدى ءانشى ءوزىنىڭ Instagram پاراقشاسىندا.

سونىمەن بىرگە، ديماش قىتاي تەلەكورەرمەندەرى ءۇشىن جاڭا جىلدىق باعدارلامانىڭ تۇسىرىلىمىنە قاتىستى. بۇعان دەيىن ديماش قۇدايبەرگەن رەسەيدە «جىلدىڭ ەڭ ۇزدىك ءانشىسى» اتانعان بولاتىن. ال، رۋمىنيادا ونىڭ جانكۇيەرلەرى ءانشىنىڭ كونسەرتىن ۇيىمداستىرعىسى كەلەتىنى ايتىلدى. سونداي- اق، ديماش قۇدايبەرگەن يتاليالىق فەنتەزي جانرىنداعى فيلمنىڭ ساۋندترەك ءانىن شىرقايدى. تۋىندى 2020 -جىلدىڭ ناۋرىز ايىندا جارىققا شىعادى.

Massaget.kz