ۇشاق اپاتى: اۋە كەمەسىندە ۋكراينا، قىرعىزستان، قىتاي جانە قازاقستان ازاماتتارى بولعان

نۇر-سۇلتان. قازاقپارات - الماتى قالاسى ماڭىندا اپاتقا ۇشىراعان ۇشاقتا ۋكراينا، قىرعىزستان، قىتاي جانە قازاقستان ازاماتتارى بولعان.

بۇل تۋرالى ق ر ىشكى ىستەر مينيسترلىگىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.

«ۇشاق بورتىندا جالپى 5 ەكيپاج مۇشەسى مەن 93 جولاۋشى بولعان. ونىڭ ەكەۋى ۋكراينا (يۋري سون مەن يانا سون)، بىرەۋى قىرعىزستان (ماگ كلىكوۆ)، تاعى بىرەۋى قىتاي (ماۋلينا نۋرلان) ازاماتتارى، ال قالعاندارى — قازاقستاندىقتار. وقيعا سالدارىنان 12:30 داعى جاعداي بويىنشا 12 ادام، ونىڭ ىشىندە ەكيپاج كومانديرى قازا تاپتى. الماتى قالاسىنىڭ ءتۇرلى مەديتسينالىق مەكەمەلەرىنە 49 ادام جاتقىزىلدى. ولاردىڭ 18 ءىنىڭ جاعدايى اۋىر. قالعاندارىنا مەديتسينالىق جانە پسيحولوگيالىق كومەك كورسەتىلىپ جاتىر. قاۋىرت جەلىگە 603 قوڭىراۋ ءتۇستى. قۇتقارۋ جۇمىستارى جالعاسۋدا»، - دەپ اتاپ وتەدى مينيسترلىكتەن.