ۇشاق اپاتىنان زارداپ شەككەندەرگە قان تاپسىرۋ ءۇشىن دونورلار ىزدەستىرىلىپ جاتىر

الماتى. قازاقپارات - الماتىدا ۇشاق اپاتىنان زارداپ شەككەندەرگە قان تاپسىرۋ ءۇشىن دونورلار ىزدەستىرىلۋدە، دەپ حابارلايدى قازاقپارات ءتىلشىسى.

اتالمىش حابارلاما الماتى قالاسى اكىمدىگىنىڭ تەلەگرامداعى رەسمي پاراقشاسىندا جاريالاندى.

«قۇرمەتتى الماتىلىقتار. ۇشاق اپاتىنا بايلانىستى شۇعىل تۇردە قان دونورى كەرەك. الماتىدا قان ورتالىعىنىڭ مەكەنجايى بۇقار جىراۋ، 47 ءۇي، تەلەفون: 274-31-99. الماتى وبلىستىق قان قۇيۋ ورتالىعىنىڭ مەكەنجايى: قاسكەلەڭ قالاسى، ابىلاي حان كوشەسى، 42 ءۇي، تەلەفون: 77277122804 +، - دەلىنگەن حابارلامادا.

ايتا كەتەيىك، بۇگىن تاڭدا الماتىدان نۇر-سۇلتان قالاسىنا ۇشىپ شىققان ۇشاق راداردان جوعالىپ كەتتى.

كەيىن 95 جولاۋشىسى جانە 5 ەكيپاج مۇشەسى بار ۇشاقتىڭ اپاتقا ۇشىراعانى ءمالىم بولدى.

وقيعانىڭ ءمان-جايىن انىقتاۋ ءۇشىن ۇشاق قۇلاعان اۋماققا ارنايى كوميسسيا ۇشىپ شىقتى.

وسى اپاتقا قاتىستى شۇعىل جەلى ىسكە قوسىلعان.

قايعىلى وقيعاعا بايلانىستى مەملەكەت باسشىسى قاسىم-جومارت توقايەۆ كوڭىل ايتتى.