الماتىدا ۇشاق قۇلاعان جەردە نە بولىپ جاتىر؟
قالانىڭ بارلىق شۇعىل قىزمەتتەرى ۇشاق اپاتى بولعان جەردە جۇمىس ىستەپ جاتىر.
قازىر اپات بولعان جەردە ادام قاراسى كوپ. ونىڭ ىشىندە قالانىڭ جەدەل قىزمەتتەرىنەن بولەك، جۋرناليستەر، اۋىل تۇرعىندارى دا بار.
قۇتقارۋ جۇمىستارى جالعاسىپ جاتىر. جەرگىلىكتى جولداردىڭ تارلىعىنان كەيبىر جەدەل جاردەم كولىكتەرى وتە الماي جاتىر.
پوليتسيا مەن ۇلتتىق ۇلان ساربازدارى قورشاۋ ايماعىن ۇلكەيتىپ جاتىر.
ايتا كەتەيىك، بۇگىن تاڭدا الماتىدان نۇر-سۇلتان قالاسىنا ۇشىپ شىققان ۇشاق راداردان جوعالىپ كەتتى.
كەيىن 95 جولاۋشىسى جانە 5 ەكيپاج مۇشەسى بار ۇشاقتىڭ اپاتقا ۇشىراعانى ءمالىم بولدى. وقيعانىڭ ءمان-جايىن انىقتاۋ ءۇشىن ۇشاق قۇلاعان اۋماققا ارنايى كوميسسيا ۇشىپ شىقتى. وسى اپاتقا قاتىستى شۇعىل جەلى ىسكە قوسىلعان.
ق ر پرەزيدەنتى قاسىم-جومارت توقايەۆ ۇشاق اپاتىنا كىنالىلەر زاڭعا سايكەس قاتاڭ جازالاناتىنىن مالىمدەدى. ەلباسى نۇر-سۇلتان نازاربايەۆ جولاۋشىلار ۇشاعىنىڭ اپاتقا ۇشىراۋىنا بايلانىستى كوڭىل ايتتى.