الماتى ماڭىندا قۇلاعان ۇشاقتان زارداپ شەككەندەر اۋرۋحاناعا جاتقىزىلىپ جاتىر
«زارداپ شەككەندەر 4 قالالىق كلينيكالىق اۋرۋحانا مەن بالالارعا جەدەل كومەك كورسەتۋ ورتالىعىنا جەتكىزىلدى»، - دەلىنگەن حابارلامادا.
الماتى اكىمدىگى بارلىق قالالىق قىزمەتتەردى جۇمىلدىردى. ت ج د (30 ادام جانە 7 تەحنيكا) جەدەل قۇتقارۋ توبى (16 قىزمەتكەر، 2 تەحنيكا جانە 1 كينولوگيالىق ي ت)، اپاتتار مەديتسينا ورتالىعى (4 قىزمەتكەر جانە 1 تەحنيكا)، جەدەل جاردەم (35 قىزمەتكەر جانە 15 تەحنيكا) جۇمىس ىستەيدى. سونىمەن قاتار پ د (200 قىزمەتكەر جانە 20 تەحنيكا) جانە 12 جەدەل توپ قۇرىلدى.
ايتا كەتەيىك، بۇگىن تاڭدا الماتىدان نۇر-سۇلتان قالاسىنا ۇشىپ شىققان ۇشاق راداردان جوعالىپ كەتتى.
كەيىن 95 جولاۋشىسى جانە 5 ەكيپاج مۇشەسى بار ۇشاقتىڭ اپاتقا ۇشىراعانى ءمالىم بولدى. وقيعانىڭ ءمان-جايىن انىقتاۋ ءۇشىن ۇشاق قۇلاعان اۋماققا ارنايى كوميسسيا ۇشىپ شىقتى. وسى اپاتقا قاتىستى شۇعىل جەلى ىسكە قوسىلعان.