ۇلتتىق بانك زەينەتاقى اكتيۆتەرىن قايدا ينۆەستيتسيالادى؟
2019-جىلعى 1- جەلتوقسانداعى جاعداي بويىنشا ب ج ز ق زەينەتاقى اكتيۆتەرى پورتفەلىنىڭ كولەمى 10679,2 ميلليارد تەڭگەنى قۇرادى. اقشا قاراجاتى جانە تەڭگەگە اينالدىرىلعان قارجى قۇرالدارى 7069,4 ميلليارد تەڭگەنى نەمەسە 66,2 پايىزدى، شەتەل ۆاليۋتاسىنا نومينيرلەنگەن قارجى قۇرالدارى 3609,7 ميلليارد تەڭگەنى نەمەسە 33,8 پايىزدى قۇرادى.
2019-جىلعى قاراشادا تەڭگەگە اينالدىرىلعان زەينەتاقى اكتيۆتەرىن ينۆەستيتسيالاۋ كولەمى 31,7 ميلليارد تەڭگە بولدى. ونىڭ ىشىندە: ق ر قارجى مينيسترلىگىنىڭ جىلدىق 9,4 پايىز ورتاشا الىنعان كىرىستىلىگى بار جالپى سوماسى 27,8 ميلليارد تەڭگەگە مەملەكەتتىك باعالى قاعازدارى (م ب ق) ساتىپ الىندى؛ ق ر ە د ب جانە «اگرارلىق كرەديتتىك كورپوراتسيا» ا ق ارقىلى 600 ميلليارد تەڭگە سوماعا باسىم جوبالاردى كرەديتتەۋ تەتىگى شەڭبەرىندە «اگرارلىق كرەديتتىك كورپوراتسيا» ا ق جىلدىق 10,75 پايىز كىرىستىلىگى بار.
2019-جىلدىڭ قاراشا ايىندا شەتەل ۆاليۋتاسىمەن كورسەتىلگەن زەينەتاقى اكتيۆتەرىن ينۆەستيتسيالاۋ كولەمى 398,8 ميلليارد تەڭگە بولدى. ەسەپتى كەزەڭدە جىلدىق 1,56 پايىز ورتاشا الىنعان كىرىستىلىكپەن 381,9 ميلليارد تەڭگە كولەمدە ا ق ش- تىڭ قىسقا مەرزىمدى م ب ق ساتىپ الىندى. قاراستىرىلىپ وتىرعان كەزەڭدە مىنا ەلدەردىڭ م ب ق- مەن ساتىپ الۋ-ساتۋ مامىلەلەرى جاسالدى: رەسەي فەدەراتسياسى، فيليپپين، پەرۋ، يندونەزيا جانە مەكسيكا. ن ە ت ت و-ساتۋ كولەمى 91,1 ميلليارد تەڭگەنى قۇرادى.
قاراستىرىلىپ وتىرعان كەزەڭدە شەتەل ۆاليۋتاسىنداعى ەركىن اقشا قاراجاتى «ا- » - تەن تومەن ەمەس رەيتينگتىك باعاسى بار شەتەل بانكتەرىنىڭ قىسقا مەرزىمدى دەپوزيتتەرىنە ورنالاستىرىلدى. بۇل رەتتە وسى ينۆەستيتسيالار ينۆەستيتسيالاۋدىڭ ستراتەگيالىق ماقساتى بولىپ تابىلمايدى جانە زەينەتاقى اكتيۆتەرىنىڭ كىرىستىلىگىن قولداۋ ءۇشىن اعىمداعى وتىمدىلىكتى باسقارۋ شەڭبەرىندە جۇزەگە اسىرىلادى.