كەلەر جىلدان باستاپ ايەلدەردىڭ زەينەتكە شىعۋى جارتى جاسقا ۇلعاياتىن بولدى

None
None
الماتى. قازاقپارات - 2020 -جىلدىڭ 1-قاڭتارىنان باستاپ ايەلدەردىڭ زەينەت جاسى 59,5 جاسقا دەيىن ۇلعايادى.

ءبىرىڭعاي جيناقتاۋشى زەينەتاقى قورى جىلدىڭ سوڭىنا دەيىن زەينەتاقى تاعايىنداۋ ءۇشىن كىمدەر ءوتىنىش جازۋ كەرەكتىگىن ايتتى، دەپ حابارلايدى قازاقپارات ءتىلشىسى.

«ءبىرىڭعاي جيناقتاۋشى زەينەتاقى قورى كەلە جاتقان جاڭا جىل قارساڭىندا قوردان زەينەتاقى تولەمدەرى زەينەت جاسىنا تولعان ازاماتتارعا (ەرلەرگە - 63 جاستان باستاپ، ايەلدەرگە بيىل 2019 -جىلدىڭ 31-جەلتوقسانىنا دەيىن 59 جاسقا تولعاندا) بەرىلەتىنىن تاعى دا ەسكە سالادى. بۇل رەتتە ايەلدەردىڭ زەينەتكە شىعۋ جاسى 2027 -جىلى 63 جاسقا جەتكەنگە دەيىن جىل سايىن 6 ايعا ۇزارتىلىپ وتىرادى. 2020 -جىلدىڭ 1-قاڭتارىنان باستاپ ايەلدەر «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» زاڭنىڭ 11-بابىنىڭ 1-تارماعىنا سايكەس زەينەتكەرلىككە 59,5 جاسقا تولعاندا شىعادى»، - دەپ حابارلادى ب ج ز ق.

ەگەر ايەل ادام زەينەت جاسىنا بيىلعى 30-31-جەلتوقساندا تولاتىن بولسا، وندا وعان 10 كۇن قالعاندا، ياعني 21-31-جەلتوقسان ارالىعىندا حالىققا قىزمەت كورسەتۋ ورتالىعىنا بارىپ، ءوتىنىش بەرۋى قاجەت. ەگەر قانداي دا ءبىر سەبەپپەن كەلە الماسا، زەينەتاقىنى راسىمدەۋ ءۇشىن تاعى 6 اي كۇتۋىنە تۋرا كەلەدى.

اۆتور: الما مۇقانوۆا

 

سوڭعى جاڭالىقتار