قاندى نەگە ءتورتىنشى ساۋساقتان الادى؟

نۇر-سۇلتان قازاقپارات - دارىگەرلەر ناۋقاستىڭ دياگنوزىن انىقتاۋ ءۇشىن مىندەتتى تۇردە اناليز تالداۋلارىن جاسايدى.

كوپتەگەن اۋرۋ تۇرلەرى قان قۇرامىنان بەلگىلى بولعاندىقتان مەديتسينا ماماندارى ءبىرىنشى كەزەكتە ناۋقاسقا قان تالداۋىن جاساتادى.

ال قاندى مەديتسينانىڭ «ءداستۇرى» بويىنشا باسقا ەمەس، ءتورتىنشى ساۋساقتان الادى. سويتسەك مۇنىڭ دا ءوز قۇپياسى بار ەكەن. نەكە جۇزىگى تاعىلاتىن ساۋساق باسقا ساۋساقتارعا قاراعاندا «جالقاۋ» بولىپ شىقتى. ياعني قولدىڭ ءىس-قيمىلى كەزىندە ءتورتىنشى ساۋساق از قيمىلدايدى ەكەن. سوندىقتان ونىڭ تەرىسى جۇمساق ءارى جۇقا بولىپ كەلەدى. ينە شانشار كەزىندە قالعان ءتورت ساۋساققا قاراعاندا اۋرۋدىڭ سونشالىقتى سەزىلمەيتىنى دە سودان.