داريعا نازاربايەۆا تىلشىلەرمەن كەزدەستى
د. نازاربايەۆا پارلامەنت جوعارعى پالاتاسىنىڭ وتكەن جىلعى جۇمىسىن قورىتىندىلاپ، الداعى جوسپارلار تۋرالى اڭگىمەلەدى.
«قازاقستان پرەزيدەنتى قاسىم- جومارت توقايەۆتىڭ پارلامەنت الدىنا قويعان مىندەتتەرى ورىندالدى، اتقارىلعان جۇمىستاردىڭ ناتيجەسىن ءبىز ماقتان تۇتامىز ءارى الداعى جىلدىڭ قاڭتار ايىندا دەپۋتاتتار ەل ايماقتارىندا سايلاۋشىلارمەن كەزدەسۋدە ول تۋرالى ايتىپ بەرەدى» ، - دەدى سەنات ءتوراعاسى.
سونىمەن قاتار داريعا نازاربايەۆا سەناتتىڭ باستاماسىمەن جۋرناليستەرگە ارنالعان كونكۋرستار تۋرالى ەسكە سالدى.
«كەلەسى جىلى سەنات پەن ەكولوگيالىق جۋرناليستيكا سالاسىنداعى ماتەريالدار نەگىزىندە ەڭ جاقسى جۋرناليستىك زەرتتەۋگە كونكۋرس وتكىزۋ تۋرالى ۋادەنى ۇمىتقان جوقپىز. بايقاۋ باستالدى، جۇمىستارىڭىزدى جىبەرىڭىزدەر، زەرتتەۋ جۇرگىزىڭىزدەر، شىعارماشىلىق تالانت پەن ازاماتتىق ۇستانىم كورسەتىڭىزدەر. مەن ءبارىڭىزدى بەلسەندى تۇردە قاتىسادى دەپ ۇمىتتەنەمىن» ، - دەدى سەنات ءتوراعاسى.
سەنات باسشىسى بۇقارالىق اقپارات قۇرالدارىنىڭ وكىلدەرىنە بىرلەسكەن جۇمىسى ءۇشىن العىسىن ءبىلدىردى جانە جۋرناليستەردىڭ كاسىبيلىگى مەن جەكە قاسيەتتەرىن اتاپ ءوتىپ، كەلە جاتقان جاڭا جىل مەرەكەسىمەن قۇتتىقتادى.
«ءسىزدىڭ قاجىرلى ەڭبەكتەرىڭىز، كومەكتەرىڭىز ءۇشىن العىس ايتامىن. جاڭا جىل قارساڭىندا سىزدەرگە زور دەنساۋلىق، باق- بەرەكە، ساتتىلىك پەن تابىس تىلەيمىن. جاڭا 2020 -جىل قۇتتى بولسىن! جارقىن مەرەكە بارشامىز ءۇشىن جاقسىلىقتىڭ باستاۋى بولعاي!» ، - دەدى داريعا نازاربايەۆا.
