ۇكىمەت باسشىسى جەڭىلدەتىلگەن نەسيە بەرۋ ءىسىن جەتىلدىرۋدى تاپسىردى

None
None
نۇر-سۇلتان. قازاقپارات - پرەمەر-مينيستر اسقار مامين قاراپايىم زاتتار ەكونوميكاسىن دامىتۋ بويىنشا جەڭىلدەتىلگەن نەسيە بەرۋ باعدارلاماسى شەڭبەرىندە وڭىرلەرگە بەلسەندى جۇمىس جۇرگىزۋدى جۇكتەدى، دەپ حابارلايدى قازاقپارات ءتىلشىسى.

«باعدارلامانى جۇزەگە اسىرۋ، مەملەكەتتىك ساتىپ الۋ جانە جەرگىلىكتى قامتۋ ماسەلەلەرى 24- قاڭتاردا مەملەكەت باسشىسىنىڭ توراعالىعىمەن وتەتىن ۇكىمەتتىڭ كەڭەيتىلگەن وتىرىسىندا قارالادى. ىشكى نارىقتى وتاندىق تاۋارلارمەن بارىنشا مولىقتىرۋ ءۇشىن قارقىندى جۇمىس ىستەپ، جەرگىلىكتى وندىرۋشىلەردىڭ تۇراقتى دامۋىن قامتاماسىز ەتۋ قاجەت. بۇگىن دە نەسيە بەرىلگەن جوبالاردىڭ سوماسى 206 ميلليارد تەڭگەنى قۇرايدى. ەكىنشى دەڭگەيلى بانكتەردىڭ قاراۋىندا 212 ميلليارد تەڭگەنىڭ جوبالارى بار. وڭىرلەر وسى باعدارلاما شەڭبەرىندە بەلسەندى جۇمىس جۇرگىزۋ كەرەك دەپ سانايمىن»، - دەدى اسقار مامين ۇكىمەت وتىرىسىندا.

ونىڭ ايتۋىنشا، الەۋەتتى كاسىپكەرلەردى قولداۋ كەرەك.

«بۇگىنگى تاڭدا ماقۇلدانعان جوبالار بويىنشا ەڭ جاقسى كورسەتكىشتەر باتىس قازاقستان، تۇركىستان، شىعىس قازاقستان وبلىستارىندا ەكەنىن اتاپ وتكىم كەلەدى. سونىمەن قاتار، ارتتا قالعان وڭىرلەر دە بار. ولار: نۇر-سۇلتان مەن الماتى قالالارى، اتىراۋ مەن قوستاناي وبلىستارى. سوندىقتان، ارتتا قالعان وڭىرلەر وسى باعىتتاعى جۇمىس قارقىنىن ارتتىرۋ كەرەك. جەڭىلدەتىلگەن نەسيە بەرۋ باعدارلاماسىنىڭ قارقىنىن جەدەلدەتۋ قاجەت»، - دەدى ول.

سوڭعى جاڭالىقتار