ەلودانىڭ باس شىرشاسى ت م د- نىڭ ۇزدىك ون شىرشاسىنىڭ قاتارىنا كىردى
رەيتينگ ت م د ەلدەرى استاناسىنداعى جاڭا جىلدىق باس شىرشالاردىڭ بيىكتىگىن زەرتتەۋ ناتيجەلەرى بويىنشا قۇرىلدى.
ت م د ەلدەرىندەگى ەڭ بيىك جاڭا جىلدىق شىرشالاردىڭ العاشقى وندىعىنا اشحاباد (40 مەتر)، ەريەۆان (37 م)، تاشكەنت (36 م)، باكۋ (34 م)، مينسك (30 م)، دۋشانبە (29 م)، ماسكەۋ (27 م)، بىشكەك (27 م)، نۇر-سۇلتان (25 م) جانە كيشينيەۆ (20 م) قالالارىنداعى شىرشالار ەندى.
قازاقستاننىڭ باس شىرشاسى نۇر-سۇلتان قالاسىندا ەكسپو-2017 اۋماعىندا ورناتىلعان. بيىكتىگى 25 مەتر بولاتىن باس شىرشا 20- جەلتوقسان كۇنى سالتاناتتى تۇردە جاعىلعان بولاتىن.
الماتىنىڭ باس شىرشاسىنىڭ بيىكتىگى - 20 مەتر. ونىڭ شامدارى 19- جەلتوقسان كۇنى «استانا» الاڭىندا جاعىلدى.
ايتا كەتەيىك، ماسكەۋدەگى كرەمل جانىنداعى الاڭدا 27 مەترلىك رەسەيدىڭ باس شىرشاسى – ت م د ەلدەرى استاناسىنداعى جاڭاجىلدىق باس شىرشالاردىڭ اراسىنداعى «ءتىرى» شىرشا.
سونداي-اق، ق ر ەكولوگيا، گەولوگيا جانە تابيعات رەسۋرستارى مينيسترلىگى قازاقستاندىقتاردى «ءتىرى» شىرشادان باس تارتۋعا شاقىرىپ، «ەكو-شىرشا» چەللەندجىن جولدادى.
ەسكە سالا كەتەيىك، اكسيا اياسىندا نۇر-سۇلتان قالاسىندا 250 پلاستيك بوتەلكەدەن جاسالعان شىرشا جاسالدى. جاساندى شىرشا بالالار مەن ەكوبەلسەندىلەردىڭ ءوز قولدارىنان جاساعان ويىنشىقتارىمەن بەزەندىرىلدى.