شىمكەنتتە جۇمىسپەن قامتۋ جۇيەلى تۇردە جۇرگىزىلۋدە

شىمكەنت. قازاقپارات - شىمكەنتتە جۇمىسسىز ازاماتتاردى الەۋمەتتىك قورعاۋ جانە حالىقتى جۇمىسپەن قامتۋ جۇيەلى تۇردە جۇرگىزىلۋدە.

قالالىق جۇمىسپەن قامتۋ جانە الەۋمەتتىك قورعاۋ باسقارماسى بيىل «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ» باعدارلاماسى اياسىندا 34 مىڭنان اسا ادامدى الەۋمەتتىك قولداۋ شاراسىمەن قامتىعان، دەپ حابارلايدى قازاقپارات ءتىلشىسى.

اتالعان باسقارمانىڭ مالىمەتىنشە، ءبىرىنشى باعىت «باعدارلاماعا قاتىسۋشىلاردى تەحنيكالىق جانە قىسقا مەرزىمدى كاسىپتىك وقۋمەن قامتاماسىز ەتۋ» بويىنشا 7696 ازاماتتى وقىتۋ جوسپارلانعان. تەحنيكالىق جانە كاسىپتىك ءبىلىمى بار قادرلاردى دايارلاۋعا 1196 ادام جىبەرىلىپ، قىسقا مەرزىمدى كاسىپتىك وقىتۋعا 4005 ازامات جولداما العان.

ەكىنشى باعىت «جاپپاي كاسىپكەرلىكتى دامىتۋ». جاپپاي كاسىپكەرلىكتى دامىتۋ اياسىندا 53 ازاماتقا ەكىنشى دەڭگەيلى بانكتەر مەن كرەديتتىك سەرىكتەستىكتەر تاراپىنان نەسيە بەرىلگەن.  4502 ازاماتقا جاڭا بيزنەس يدەيا ءۇشىن مەملەكەتتىك گرانتتار بەرۋ جوسپارلانىپ، بۇگىنگى تاڭعا ولاردىڭ 1257 گرانت يەلەرىنە قاراجات تاپسىرىلعان.

كاسىپكەرلىككە وقىعاندارعا ارنالعان «باستاۋ- بيزنەسكە» جوسپارى بويىنشا 2955 تۇرعىن قارجىمەن قامتىلعان. سونىمەن قاتار ءۇشىنشى باعىت «حالىقتى جۇمىسپەن قامتۋعا جاردەمدەسۋ جانە ەڭبەك رەسۋرستارىنىڭ ۇتقىرلىعى ارقىلى ەڭبەك نارىعىن دامىتۋ» بويىنشا 23514 ازامات تۇراقتى جۇمىسقا تۇرعىزىلعان.

ولار نەگىزىنەن مەملەكەتتىك جانە ايماقتىق دامىتۋ باعدارلاماسى بويىنشا جاڭا اشىلعان مەكەمەلەرگە، «جاستار پراكتيكاسى» بويىنشا، اقىلى قوعامدىق جۇمىستارعا جۇمىسقا ورنالاسقان. ال، «جاستار- ەل تىرەگى» جالپى ۇلتتىق جوباسىنىڭ كەشەندى ءىس-شارالارىن ىسكە اسىرۋ بارىسىندا كاسىپكەرلىككە 1400 گە تارتا جاس وقىتۋ كۋرستارىنا جىبەرىلگەن.

اۆتور: اينۇر اقبايەۆا