قازاقستاندىق سەناتورلار التىن وندىرەتىن زاۋىتتىڭ جۇمىسىمەن تانىستى

نۇر-سۇلتان. قازاقپارات - سەناتتىڭ ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىنىڭ ءتوراعاسى سەرىك جاقسىبەكوۆ باستاعان ءبىر توپ سەناتورلار سەنات ءتوراعاسى د. نازاربايەۆانىڭ تاپسىرماسى بويىنشا «تاۋ- كەن التىن» ج ش س اففيناج زاۋىتىنىڭ قىزمەتىمەن تانىستى.

بۇل جونىندە سەناتتىڭ باسپا ءسوز قىزمەتىنە سىلتەمە جاساپ قازاقپارات حابارلايدى.

اففيناج زاۋىتى قۇرىلىسىنىڭ جوباسى قازاقستان رەسپۋبليكاسى ۇكىمەتىنىڭ قاۋلىسىنا سايكەس 2010-2014 -جىلدارعا ارنالعان رەسپۋبليكالىق يندۋستريالاندىرۋ كارتاسىنا ەنگىزىلگەن بولاتىن. جوبا تۇڭعىش پرەزيدەنت - ەلباسى ن. ءا. نازاربايەۆتىڭ تاپسىرماسىنا سايكەس جۇزەگە استى.

زاۋىت تەحنولوگياسى ت م د اۋماعىندا بالاماسى جوق ءارى جىلىنا 25 توننا التىن مەن 50 توننا كۇمىس وندىرەتىن الەمنىڭ وزىق وندىرۋشىلەرىنەن كەم تۇسپەيتىن اسىل مەتالداردى باسقا مەتالداردىڭ قوسپاسىنان ايىرۋدىڭ حالىقارالىق يننوۆاتسيالىق ادىستەمەسىنە سايكەس ازىرلەندى.

زاۋىتتىڭ ەلوردادا ورنالاسقانىن ەسكەرە وتىرىپ، اففيناج تەحنولوگياسىن تاڭداۋ كەزىندە پايدالانىلاتىن ۇدەرىستەردىڭ تازالىعىنا ءمان بەرۋ نەگىزگى ولشەمدەردىڭ ءبىرى بولدى. وسىعان سايكەس، تەحنولوگيالىق ۇدەرىستە پايدالانىلاتىن جابدىقپەن ۇيلەستىرۋدە اسىل مەتالداردى قوسپالاردان ايىرۋدىڭ ەلەكتروحيميالىق ءادىسى تەحنولوگياسى تاڭدالدى جانە ەكولوگيالىق قاۋىپسىزدىك پەن وندىرىلەتىن ءونىمنىڭ ساپاسى %100  قامتاماسىز ەتىلەدى.

سەناتورلار حالىقارالىق ىنتىماقتاستىق، ءونىمدى ساتىپ الۋ جانە ونى قايتا ساتۋ ماسەلەلەرىنە قاتىستى ساۋال قويدى.

كومپانيا باسشىلىعى وندىرىلەتىن ءونىمدى ساتۋعا بايلانىستى قيىندىقتار بار ەكەنىن العا تارتتى.