ءوز ءومىرىڭىزدى قۇردىمعا كەتىرۋدىڭ بەلگىلەرى

نۇر-سۇلتان. قازاقپارات - كونفۋتسي ايتقانداي: «نەگىزىندە ءومىر تىم قاراپايىم. ءبىز ونى ءوزىمىز قيىنداتىپ الامىز». وكىنىشكە وراي، بۇل - شىندىق.

تەكسەرىڭىز، ءسىزدىڭ ومىرىڭىزدە مىناداي «قيىندىقتار» بار ما؟ قورقىنىشىڭىزدى جەڭە المايسىز كەز كەلگەن ادام السىزدىك تانىتاتىن كەزى بولادى. ءبىراق كەيبىرەۋلەر بۇل جاعدايدان ارىلا المايدى. ءوزىن شەشىم قابىلداي المايتىن ادام ەكەنىن ايتىپ نە قورقىنىش قالىپتى سەزىم ەكەنىن جەتكىزىپ اقتالادى. ال قورقىنىشتى جەڭۋ ءۇشىن ەشقانداي ارەكەت ىستەمەۋ قالىپتى جاعداي ەمەس. ءتۇبى جاقسىلىققا اپارمايدى.

جاڭا ءومىر باستاۋ ءۇشىن دۇيسەنبىنى كۇتەسىز

جۇگىرۋدى باستاۋ ءۇشىن دە، ديەتاعا وتىرۋ ءۇشىن دە، جاڭا ادەتتى قالىپتاستىرۋ ءۇشىن دۇيسەنبىنى كۇتەسىز نە كەلەسى ايدا مىندەتتى تۇردە باستايمىن دەپ بىرنەشە جىلدىڭ قالاي ءوتىپ كەتكەنىن دە اڭعارماي قالاسىز. ءبىر ىسكە كىرىسۋگە ءاردايىم كەدەرگى دايىن تۇرادى. مۇنداي ادەتتەن ارىلۋدى ەرتەرەك قولعا الىڭىز.

ءومىردى كۇتۋمەن وتكىزەسىز

ءبىر جىلدان كەيىن مىندەتتى تۇردە ءبارى وزگەرەدى. مىنە، از ۋاقىت ءوتسىن، باقىت قۇسى جاقىنداپ قالدى. بۇل ەڭ كوپ تاراعان قاتەلىك - ءدال قازىرگى ساتتەن، تۋرا سول جەردەن باقىت كورە الماۋ. قازىر ءومىردىڭ ءلاززاتىن سەزىنە الماساڭىز، ەرتەڭگى كۇن سىزگە قالاي كۇلىپ كەلەدى؟ ءبىر نارسە ۇناماي ما، دەرەۋ وزگەرتۋ كەرەك، ول ءۇشىن الدەنەنى كۇتۋدىڭ قاجەتى جوق.

ءوزىڭىزدى باعالاۋىڭىز تومەن

ءسال نارسەگە ءوزىڭىزدى كىنالاپ، جانىڭىزدى جەگىدەي جەيسىز. بارلىعى ويداعىداي بولا قالۋى كەرەك، ايتپەسە بىردەن ءوزىڭىزدى تومەندەتىپ، قولىڭىزدان ەشتەڭە كەلمەيدى دەپ سەندىرەسىز. بۇلاي قۇلدىراي بەرسەڭىز، ءسىزدى ەشكىم العا سۇيرەي المايدى.

ۋاقىتپەن ساناسپايسىز

سول سەبەپتەن تاۋلىكتە جيىرما ءتورت- اق ساعات بولۋى ءسىزدىڭ سورىڭىز سەكىلدى. بۇل ۋاقىت ارالىعىندا ەشتەڭە ىستەپ ۇلگەرمەيسىز. مۇنداي ادامدار ادەتتە ءتىپتى تاماق ءىشىپ، قيىن كۇننەن كەيىن دەمالۋعا دا ۋاقىت تاپپايدى. ودان سوڭ ءاردايىم شارشاپ ءجۇرۋ سيندرومىنا شالدىعادى.

وتكەنمەن ءومىر سۇرەسىز

سۇيگەنىڭنەن ايىرىلۋ، دوستارىڭمەن ارازداسۋ، جاقىنىڭنان قول ءۇزۋ.. . بۇل ءومىردىڭ توسىن سىيى تاۋسىلعان با؟ ! ءبىراق نە بولسا دا وتەدى دە، كەتەدى. ەگەر وكىنىشىڭىزدى قايتا- قايتا ەسكە الىپ، ونىڭ اسەرىنەن ءومىر بويى شىعا المايتىن بولساڭىز، ءوزىڭىزدى دە، وزگەلەردى دە قيناي تۇسەسىز.

وزگەلەر نە ويلايدى دەپ الاڭداۋمەن جۇرەسىز

ەگەر بىرەۋ ءسىزدى كۇلكىگە قالدىرسا نە جايسىز جاعدايعا تاپ بولساڭىز، «وزگەلەر مەن تۋرالى نە ويلايدى» دەگەن وي جانىڭىزعا تىنىشتىق بەرمەيدى. ءار ارەكەتىڭىزدى وزگە ادامدارمەن سالىستىرىپ وتىراسىز. الايدا بۇل ومىردە يدەال جوق. ءبارىبىر نە ىستەسەڭىز دە ءسىزدى جاقسى كورە المايتىن، سونىمەن قاتار جەك كورە المايتىن ادامدار دا بولادى. بۇل جاعدايعا كوندىگە ءبىلىڭىز.

Massaget.kz