ۇستازداردىڭ اپتالىق جۇمىس جۇكتەمەسى قىسقارادى

نۇر- سۇلتان. قازاقپارات – ق ر كاسىپوداق فەدەراتسياسىنىڭ وكىلدەرى «پەداگوگ مارتەبەسى تۋرالى» زاڭ جوباسىنا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«ۇسىنىستارىمىزدىڭ كوبى زاڭ جوباسىنا ەنگىزىلدى. ءبىز ءوز ۇسىنىسىمىزدا ۇستازداردىڭ وقۋ جۇكتەمەسىن ازايتۋ ماسەلەسىن كوتەردىك. جوبا بويىنشا، ورتا مەكتەپتەردە ۇستازداردىڭ ءبىر اپتالىق وقۋ جۇكتەمەسى 18 ساعاتتان 16 ساعاتقا ازايدى. ۇستازداردىڭ كاسىبى جۇمىسىنا ارالاسپاۋ تۋرالى، ۇستازداردى كوپتەگەن تەكسەرىستەردەن، قاعازباستىلىقتان بوساتۋ تۋرالى ۇسىنىس ايتتىق. مەكتەپتە جۇمىس ىستەيتىن ماگيستر دارەجەسى بار ۇستازدارعا 10 ايلىق ەسەپتىك كورسەتكىش كولەمىندە قوسىمشا تولەماقى تولەۋگە ۇسىنىستار ايتتىق»، - دەيدى قازاقستان ءبىلىم جانە عىلىم سالاسى قىزمەتكەرلەرىنىڭ كاسىپوداق ۇيىمى ءتوراعاسىنىڭ ورىنباسارى ايگۇل مۇقاشيەۆا ورتالىق كوممۋنيكاتسيالار قىزمەتىندە وتكەن بريفينگتە.

اۆتور: زارينا قاھارمان