ەلوردادا مۇز قالاشىق پەن اشىق اسپان استىنداعى ەرەكشە گالەرەيا پايدا بولدى

None
None
نۇر-سۇلتان. قازاقپارات - ەلوردادا وتباسىلىق دەمالىس ءۇشىن مۇزدى قالاشىق، اشىق اسپان استىنداعى ەرەكشە گالەرەيا پايدا بولدى، دەپ حابارلايدى قازاقپارات اكىمدىكتىڭ سايتىنا سىلتەمە جاساپ.

بوتانيكالىق باق قىستا قالاي وزگەرگەنى تۋرالى كرەاتيۆتى ديرەكتور كريستينا بەكمىرزايەۆا ايتىپ بەردى.

«بوتانيكالىق باق قالامىزدىڭ ەرەكشە ورىندارىنىڭ ءبىرى. بولاشاقتا بۇل جەر نيۋ-يوركتىڭ گايد پاركى سياقتى كەرەمەت جاسىل ساياباق بولادى دەپ ويلايمىن. ءبىز باقتى بەزەندىرگەن كەزدە بۇل جەردە ادامدار وتباسىمەن ۋاقىت وتكىزگىسى كەلەتىندەي ەتىپ جاساۋعا تىرىستىق. بوتانيكالىق باقتى ەرەكشە، قىزىقتى بەزەندىردىك. ءبىرىنشى وندا سۋرەتكە ءتۇسۋ ءۇشىن كوپتەگەن جەر بار. 

سونىمەن قاتار، اشىق اسپان استىنداعى گالەرەيامىز، شاعىن ساۋلەت نىساندارى دا بار. جاڭا جىلدىق شىرشانىڭ ارتىندا سۋرەتشىلەرىمىز سالعان سۋرەتتەر بار. مەرەكەلىك اتموسفەرا سەزىلىپ، مۇلدەم باسقاشا قابىلدانادى»، دەدى كرەاتيۆتى ديرەكتور.

ونىڭ ايتۋىنشا، ەكىنشى ايماقتىڭ نەگىزگى ەرەكشەلىگى - اققالا ورنالاسقان جەر.

«قازىر اققالا سانى 300. قالا تۇرعىندارى اققالا سانىن ارتتىرۋعا كومەكتەسسە نۇر ۇستىنە نۇر بولار ەدى. ءبىزدىڭ جۇمىسىمىزدىڭ باستى قاعيداتتارىنىڭ ءبىرى - بۇل پارتيسيپاتيۆتى ءتاسىل. سوندىقتان قالا تۇرعىندارى اتسالىسىپ، بوتانيكالىق باقتى بەزەندىرۋگە ءوز ۇلەستەرىن قوسادى دەپ ۇمىتتەنەمىز»، - دەدى كريستينا بەكمىرزايەۆا.

ءۇشىنشى ايماق - ەڭ باستى ايماق. بۇل جەردە جاڭا جىلدىق شىرشا ورنالاسقان. «ەگەر ءسىز شىرشاعا نازار اۋدارساڭىز، شىرشانىڭ قارلىعاشتارمەن بەزەندىرىلگەنىن بايقايسىز. بۇل سۋرەتشىلەردىڭ شەشىمى. قارلىعاش - كەلەسى جىلدىڭ باقىت سيمۆولى. سونداي-اق، قالا تۇرعىندارىنا ىڭعايلى بولۋ ءۇشىن ءبىز جىلى سفەرالار ورناتتىق. ايازدى كۇندەرى دالادا دەمالۋ ءۇشىن جاعداي جاساۋعا تىرىستىق. سونداي-اق، ءبىز بالالار ءۇشىن ارنايى كىشكەنتاي حوككەي الاڭىن جاسادىق. اتا-انالارىمەن بىرگە كەلىپ ويناي الادى. بەزەندىرۋ ەلەمەنتتەرى قالا تۇرعىندارىن وتباسىمەن ۋاقىت وتكىزۋگە ىنتالاندىرۋى كەرەك. سوندىقتان ءبىزدىڭ فەستيۆال «NS Family WinterFest دەپ اتالادى»، - دەدى كريستينا بەكمىرزايەۆا.

سوڭعى جاڭالىقتار