ەلوردا تۇرعىنى ەرلەر اراسىندا حالىقارالىق بايقاۋدا ۇزدىك مودەل اتاندى

نۇر-سۇلتان. قازاقپارات - 32 جاسار ەلوردالىق ۆلاديمير موروزوۆ ءۇندىستاننىڭ استاناسى دەليدە وتكەن «Mister model worldwide-2019» حالىقارالىق بايقاۋىندا گران-پريدى جەڭىپ الدى، دەپ حابارلايدى قازاقپارات.

ەرلەر اراسىنداعى سۇلۋلىق بايقاۋىنا 19 ەلدىڭ وكىلى قاتىستى. بايقاۋ 3 كەزەڭنەن تۇردى. اتاپ ايتقاندا فوتوسەسسيا، سموكينگ جانە ۇلتتىق كوستيۋم كيۋ بويىنشا.

1 اپتاعا سوزىلعان بايقاۋدىڭ ناتيجەسىندە ءادىلقازىلار قازاقستاندىق ۆلاديمير موروزوۆتى ۇزدىك (گران- پري) دەپ تانىدى. سونداي-اق، 1-ورىندى كورەيا، 2-ورىندى اۋعانستان، 3-ورىندى كەنيا جانە 4-ورىندى مالايزيا ەلىنىڭ وكىلى جەڭىپ الدى.

«قازاقستاندىقتار كەلە جاتقان مەرەكەلەرىڭىزبەن! مەن ۇتتىم، ءبىز ۇتتىق!»، - دەدى ۆلاديمير موروزوۆ Instagram-داعى پاراقشاسىندا.

اۆتور: ءالي يبرايەۆ