قازاقستاننىڭ وزبەكستانداعى جىلىنىڭ سالتاناتتى جابىلۋىنا ارنالعان گالا-كونسەرت ءوتتى
تاشكەنت قالاسىنداعى «وزبەكستان» حالىقارالىق فورۋمدار سارايىندا وتكەن گالا-كونسەرتكە ق ر مادەنيەت جانە سپورت ءمينيسترى اقتوتى رايىمقۇلوۆا مەن وزبەكستان رەسپۋبليكاسىنىڭ ۆيتسە-پرەمەرى ازيز ابدۋحاكيموۆ، وزبەكستان رەسپۋبليكاسىنىڭ مادەنيەت ءمينيسترى باحتيەر سايفۋللايەۆ قاتىستى.
كونسەرتتە قازاقستاننىڭ حالىق ءارتىسى روزا رىمبايەۆا، قازاقستاننىڭ ەڭبەك سىڭىرگەن قايراتكەرلەرى ازامات جىلتىرگوزوۆ، مەدەت شوتابايەۆ، ارداق بالاجانوۆا، باتىرجان مىقتىبايەۆ، الىشەر كارىموۆ، قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترى، «سالتانات» مەملەكەتتىك ءبي ءانسامبلى جانە حالىقارالىق جانە رەسپۋبليكالىق كونكۋرستاردىڭ لاۋرەاتتارى ونەر كورسەتتى.
ايتا كەتەرلىگى، ق ر مادەنيەت جانە سپورت مينيسترلىگى قازاقستان رەسپۋبليكاسىنىڭ وزبەكستان رەسپۋبليكاسىنداعى جىلىنىڭ جابىلۋى اياسىندا قازاقستان ونەر شەبەرلەرىنىڭ كونسەرتى مەن تانىمال ءا. قاستەيەۆ مۋزەيىنىڭ ارنايى كوشپەلى كورمەسىن ۇيىمداستىرعان بولاتىن.